ដោយចាន់ ធី-ឧត្តរមានជ័យ៖.ផ្ទះនិងជង្រុកស្រូវប្រជាពលរដ្ឋ ចំនួន៦ខ្នង ត្រូវរងការខូចខាតដោយសារខ្យល់កន្ត្រាក់ កាលពីវេលាម៉ោង១៦និង៣០នាទី ថ្ងៃទី១៥ ខែឧសភា ឆ្នាំ២០១៦ នៅក្នុងឃុំអំពិល ស្រុកបន្ទាយអំពិល ខេត្តឧត្តរមានជ័យ។លោកវរសេនីយ៍ទោ ហម ភិរម្យ អធិការនគរបាលស្រុកបន្ទាយអំពិល បានឲ្យដឹងថា ផ្ទះនិងជង្រុកស្រូវ បណ្តាលឲ្យខូចខាតអស់ចំនួន៦ខ្នងនោះគឺ ភូមិពង្រ-បើុងដំបូលផ្ទះ អស់២ខ្នង-ភូមិក្តុល-បុើងដំបូលផ្ទះអស់ចំនួន៣ខ្នងនិងបុើងដំបូលជង្រុកស្រូវ អស់ចំនួន១ខ្នង។លោកវរសេនីយ៍ទោ ហម ភិរម្យ អធិការនគរបាលស្រុក បានអោយដឹងទៀតថា ក្រោយពីទទួលព័ត៍មាន ករណីខ្យល់កន្ត្រាក់បំផ្លាញផ្ទះនិងជង្រុកស្រូវរបស់ប្រជាពលរដ្ឋភ្លាមៗនោះ លោកអធិការ បានចាត់កម្លាំងប៉ុស្តិ៍រដ្ឋបាលឃុំអំពិលនិងកម្លាំងអធិការនគរបាលស្រុក ចុះទៅជួយអន្តរាគមន៍ ដល់ប្រជាពលរដ្ឋ ដល់កន្លែងកើតហេតុ។លោកអធិការនគរបាលស្រុក បានបន្តទៀតថា ករណីខ្យល់កន្ត្រាក់ខាងលើមិនបង្ករឲ្យមានគ្រោះថ្នាក់ដល់មនុស្ស សត្វនោះទេ៕
