ខេត្តកំពង់ឆ្នាំង៖ សំរាមនៅតាមចិញ្ចើមផ្លូវ ជាប់របងមជ្ឍមណ្ឌលស៊ីម៉ាក់ និងតាមចិញ្ចើមផ្លូវមុខរោងចក្របន្ទាយស្វាយជ្រុំចាស់ ក្នុងភូមិចំការតាម៉ៅ ឃុំស្រែថ្មី ស្រុករលាប្អៀរ និង
សំរាមនៅតាមចិញ្ចើមផ្លូវ នៅចំការស្វាយចាន់ទី ចុងភូមិម៉ុងបារាំង សង្កាត់ប្អេរ ក្រុងកំពង
ឆ្នាំង ត្រូវបានគេចាក់ចោលយ៉ាងអាណាធិបតេយ្យជាយូរខែមកហើយ ករណីនេះប្រជាពលរដ្ឋលើកឡើងថា បើអាជ្ញាធរ និងសមត្ថកិច្ចអសកម្មស្ពឹកស្រពន់ មិនចាត់វិធានការណ៍ទេនោះ កន្លែងនេះនឹងក្លាយជាភ្នំសំរាម ស្វាគមន៍មុខមាត់លោកចៅហ្វាយស្រុក លោកចៅហ្វាយក្រុង ចំពោះមុខលោកអភិបាលខេត្តក្នុងអង្គប្រជុំណាមួយមិនខាន។
ប្រជាពលរដ្ឋរស់នៅក្បែរចំណុចដែលគេចាក់សំរាមចោលខាងលើនេះ នៅព្រឹកថ្ងៃទី
១៥ ខែឧសភា ឆ្នាំ២០១៦នេះបាននិយាយអោយដឹងថា៖ សំរាមទាំងនេះត្រូវបានគេដឹកតា
មម៉ូតូ តាមរ៉ឺម៉ក យកមកចាកចោលនៅពេលព្រលប់ៗ និងនៅពេលយប់ ស្ទើរតែរៀងរាល់
ថ្ងៃ មិនដែលឃើញមានស្ថាបន័ណាមកទប់ស្កាក់ឡើយ។ 
សំរាមទាំងនេះគេពិនិត្យឃើញមានគ្រប់បែបយ៉ាង មានរោមមាន់ រោមទា កាកសំ
ណល់ផ្ទះបាយ កំទេចក្រណាត់ និងសំរាមមួយចំនួនទៀតត្រូវបានគេច្រកក្នុងការ៉ុងចងមា
ត់ជិត យកមកបោះចោលរាប់រយការ៉ុងយ៉ាងណាណាធិបតេយ្យនៅតាមចិញ្ចើមផ្លូវ។
ប្រជាពលរដ្ឋបានអោយដឹងទៀតថា៖កន្លងមកនៅចំណុចចុងភូមិម៉ុងបារាំង សង្កាត់
ប្អេរ ក្រុងកំពង់ឆ្នាំង លោកចៅសង្កាត់ធ្លាប់ដាក់កម្លាំងសមត្ថកិច្ច និងប្រជាការពារ ចាប់បាន
អ្នកលួចដឹកសំរាមមកចាក់ចោលបាន២ទៅ៣នាក់ យកមកផាកពិន័យនិងអប់រំរួចមកហើ
យដែរ កាលពីឆ្នាំមុន ប៉ុន្តែការទប់ស្កាត់នេះមិនបានធ្វើជាប្រចាំនោះទេ ធ្វើអោយកើតមាន
សំរាមដដែរ។ បញ្ហានេះប្រជាពលរដ្ឋលើកឡើងថា បើអាជ្ញាធរ និងសមត្ថកិច្ចអសកម្មស្ពឹកស្រពន់ មិនចាត់វិធានការណ៍ទេនោះ កន្លែងនេះនឹងក្លាយជាភ្នំសំរាម ស្វាគមន៍មុខមាត់លោកចៅហ្វាយស្រុក លោកចៅហ្វាយក្រុង ក្នុងអង្គប្រជុំណាមួយមិនខានឡើយ។
ករណីសំរាមនៅចំណុចនេះ ប្រជាពលរដ្ឋស្នើសុំ លោកប្រធានមន្ទីរបរិស្ថានខេត្ត និង
លោកអភិបាលខេត្តកំពង់ឆ្នាំង ជួយមានវិធានការណ៍បោសសំអាត និងទប់ស្កាត់ផង ព្រោះ
ថា នៅក្នុងរដូវភ្លៀងខាងមុខនេះ សំរាមទាំងនេះវានិងស្អុយរលួយ និងអាចធ្វើអោយប៉ះពា
ល់ដល់សុខមាលភាពប្រជាពលរដ្ឋ និងម្យ៉ាងទៀតក៏អាចធ្វើអោយប៉ះពាល់ដល់អនាម័យនិងសោភណ័ភាពក្នុងមូលដ្ឋានផងដែរ ៕
