( រូបភាពវីដេអូ) យោធាប្រទេសថៃកាលពីថ្ងៃពុធ បានធ្វើជាម្ចាស់នៃការរៀបចំឱ្យមាន ជំនួបផ្ទាល់មាត់រវាងគូជម្លោះនយោ បាយនៅក្នុងប្រទេស បន្ទាប់ពីបានប្រកាស អនុវត្ដច្បាប់អាជ្ញាសឹកនៅទូទាំងប្រទេស ដើម្បីកុំឱ្យស្ថានការណ៍កាន់តែផុងជ្រៅ ជាងសព្វថ្ងៃនេះ ប៉ុន្ដែលទ្ធផលនៃកិច្ចប្រជុំ នេះពុំបានសម្រេចជាដុំកំភួននោះទេ ខុសពីនៅប្រទេសអ៊ុយក្រែននិង អេហ្ស៊ីប។
គូជម្លោះនយោបាយ និងមន្ដ្រីយោធា ជាន់ខ្ពស់របស់ប្រទេសថៃបានជួបប្រជុំ គ្នារយៈពេលជាង២ម៉ោង ស្ថិតក្រោម ការយាមកាមយ៉ាងតឹងរ៉ឹងបំផុតពីកម្លាំងកងទ័ពប្រដាប់ដោយអាវុធធុនធ្ងន់ក្នុងទី ក្រុងបាងកក ដែលព្រឹត្ដិការណ៍នេះធ្វើឱ្យ អ្នកគាំទ្ររដ្ឋាភិបាលជាប់ឆ្នោតហៅថា ជាបរិយាកាសល្អប្រសើរ។
ស្ដ្រីអ្នកនាំពាក្យរបស់កម្លាំងយោធា ថៃ លោកស្រីSirichan Ngathong បាន មានប្រសាសន៍ប្រាប់ក្រុមអ្នកយកព័ត៌ មានថា គ្មានលទ្ធផលអ្វីទាំងអស់នៅក្នុង កិច្ចប្រជុំក្រោមអធិបតីភាពរបស់នាយ ឧត្ដមសេនីយ៍ប្រាយុទ្ធ ចាន់អូចា ដែល ទើបតែបានប្រកាសអនុវត្ដច្បាប់អាជ្ញា សឹកនៅទូទាំងប្រទេសកាលពីថ្ងៃទី២០ ខែឧសភា។
លោកស្រីបានបន្ដទៀតថា កិច្ចប្រជុំផ្សេងមួយទៀតនឹងធ្វើឡើងនៅ ថ្ងៃព្រហស្បតិ៍ វេលាម៉ោង២រសៀល ម៉ោងនៅក្នុងតំបន់ ស្របទៅតាមការ អំពាវនាវរបស់កម្លាំងទាហាន។ លោកស្រីបន្ដទៀតថា កិច្ចប្រជុំខាង លើនេះចូលរួមដោយមនុស្ស៤០នាក់ សុទ្ធតែជាអ្នកមានតួនាទីសំខាន់ៗនៅក្នុង ជម្លោះនាពេលបច្ចុប្បន្ននេះ។ លោកស្រី បញ្ជាក់ទៀតថា ទោះយ៉ាងណាក៏ដោយ ភាគីពាក់ព័ន្ធទាំងអស់បានយល់ព្រម ទទួលយកសំណើគ្នាទៅវិញទៅមកដើម្បី ពិចារណា ហើយអាចនឹងឈានដល់ដំណោះ ស្រាយរួមមួយបញ្ចប់ជម្លោះក្នុងប្រទេស យ៉ាងពិតប្រាកដ ។
ការកោះហៅគូជម្លោះទាំងពីរឱ្យមក ជួបគ្នាពិភាក្សារបស់លោកប្រាយុទ្ធ នៅ ពេលនេះកើតឡើង បន្ទាប់ពីមានការ ព្រមានពីអាមេរិកដោយព្រួយបារម្ភខ្លាច ថា ការប្រកាសអនុវត្ដិច្បាប់អាជ្ញាសឹក នៅប្រទេសថៃនាពេលនេះអាចនាំឱ្យមាន ការគ្រប់គ្រងប្រទេសតាមបែបស៊ីវិល ហើយជាន់ឈ្លីដល់ដំណើរការលទ្ធិប្រជា ធិបតេយ្យ នៅក្នុងប្រទេសដែលមាន សេដ្ឋកិច្ចលំដាប់ខ្ពស់បំផុតប្រចាំអាស៊ី ភាគអាគ្នេយ៍មួយនេះ ដូចដែលធ្លាប់ កើតឡើងនៅទសវត្សរ៍កន្លងមក។
កិច្ចប្រជុំនេះមានការចូលរួមពីមន្ដ្រី យោធាជាន់ខ្ពស, ថ្នាក់ដឹកនាំគណបក្ស កាន់អំណាច, ថ្នាក់ដឹកនាំគណបក្សប្រឆាំង, មន្ដ្រីគណៈកម្មាធិការជាតិរៀបចំការ បោះឆ្នោត និងព្រឹទ្ធសភា ព្រមទាំងមេ ដឹកនាំបាតុករក្នុងជំរំនីមួយៗផងដែរ។ អ្នកស្រី Thida Thavornseth មេ ដឹកនាំក្រុមបាតុករអាវក្រហមមួយរូប ដែលមានឈ្មោះបោះសំឡេងហើយដែល ជាក្រុមគាំទ្ររដ្ឋាភិបាលបច្ចុប្បន្នបាន ប្រាប់AFPថា «បរិយាកាសនៅក្នុងកិច្ច ប្រជុំមានលក្ខណៈល្អប្រសើរយ៉ាងហោច ណាស់យើងមានឱកាសនិយាយរកគ្នា ទៅវិញទៅមក»។
ប៉ុន្ដែអ្នកស្រីបាន បន្ថែមថា «ខ្ញុំមិនដឹងថា នៅថ្ងៃស្អែក និងមានការសម្រេចបែបណានោះទេ»។ មន្ដ្រីរដ្ឋាភិបាលបានបញ្ជាក់ថា នាយករដ្ឋមន្ដ្រីស្ដីទីលោកNiwattum-rong Boonsongpaisan ដែលជាអ្នក ជំនួសតំណែងលោកស្រីយីងឡាក់ក្រោយ ការសម្រេចរបស់តុលាការធម្មនុញ្ញឱ្យ ចុះចេញពីតំណែងក្នុងខែឧសភានោះមិន បានចូលរួមក្នុងកិច្ចប្រជុំរៀបចំឡើង ដោយយោធានេះឡើយ ប៉ុន្ដែបានបញ្ជូន រដ្ឋមន្ដ្រីនៃគណៈរដ្ឋមន្ដ្រី៥រូបឱ្យទៅជំនួស។ លោកNiwattumrong Boonsong paisan បានអំពាវនាវឱ្យមានការបោះ ឆ្នោតនៅថ្ងៃទី៣ ខែសីហា ឆ្នាំ២០១៤ ។
ប៉ុន្ដែក្រុមប្រឆាំងបានគំរាមមិនចូលរួម បោះឆ្នោតណាមួយជាមួយរដ្ឋាភិបាល និងបន្ដបាតុកម្មនៅតាមដងផ្លូវជារៀង រហូត ល្គឹកណាមិនទាន់មានការកែទម្រង់ ការបោះឆ្នោតជាមុន ឬបំបាត់ឱ្យអស់ អ្នកនយោបាយដែលស្ថិតក្រោមឥទ្ធិពល របស់ត្រកូលថាក់ស៊ីននោះ។ លោកប្រយុទ្ធ ចាន់អូចា មានអាយុ ៦០ឆ្នាំបានថ្លែងថា ការអនុវត្ដច្បាប់ អាជ្ញាសឹកនៅពេលនេះគឺដើម្បីទប់ស្កាត់ និងរារាំងសភាពការណ៍កុំឱ្យផុងជ្រៅជាង នេះ ក្រោយពីមានបាតុកម្មជិត៧ខែមក ហើយរហូតបណ្ដាលឱ្យបាត់បង់ជីវិត២៨ នាក់និងរាប់រយនាក់ផ្សេងទៀតរងរបួស។
លោកថ្លែងថា លោកមានបំណងស្វែង រកដំណោះស្រាយយ៉ាងពិតប្រាកដ ប៉ុន្ដែ ក្រុមអ្នករិះគន់បញ្ជាក់ថា សកម្មភាព របស់លោកជាការធ្វើរដ្ឋប្រហារទៅវិញ។ លោកប្រាយុទ្ធ បានថ្លែងកាលពីថ្ងៃ ទី២០ ដែលចេញផ្សាយដោយយោធាថា «ខ្ញុំមិនអនុញ្ញាតឱ្យប្រទេសថៃមានរឿង កើតឡើងដូចនៅប្រទេសអ៊ុយក្រែន និង អេហ្ស៊ីបនោះឡើយ»
