ភ្នំពេញៈ បុរសម្នាក់ជិះម៉ូតូសង់កូរ៉េមួយគ្រឿងបញ្ច្រាសទិសដៅចរាចរណ៍ត្រូវម៉ូតូមួយគ្រឿងទៀតបុកពេញទំហឹងបណ្ដាលអោយម៉ូតូទាំពីរងការខូចខាតនិងងរបួសម្នាក់។
ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង០៣និង០០នាទីទាបភ្លឺ ថ្ងៃទី២៤ ខែឧសភា ឆ្នាំ២០១៦ នៅចំណុចរង្វង់មូលវត្តភ្នំ ក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។ ប្រភពព័ត៌មានជុំវិញកន្លែងកើតហេតុបានអោយដឹងថានៅមុនពេលកើតហេតុគេឃើញជនរងយុវជនម្នាក់និងនារីម្នាក់ជិះម៉ូតូមួយគ្រឿម៉ាក ឡេត ពណ៍ផ្កាឈូក ពាក់ស្លាកលេខ ភ្នំពេញ 1CI 0652 ធ្វើដំណើរវាងរង្វង់មូលវត្តភ្នំ ទិសដៅពីជើងទៅត្បូង(ស្របទិសដៅចរាចរណ៍)ពេលមកដល់ចំណុចកើតហេតុស្រាប់តែមានបុរសម្នាក់ជិះម៉ូតូម៉ាក សង់កូរ៉េ ពណ៍ក្រហម ពាក់ស្លាកលេខ ភ្នំពេញ 1AY 2072 ធ្វើដំណើរបញ្ច្រាសទិសចរាចណ៍បានជ្រុលបគ្នាពេញទំហឹងបណ្ដាលអោយម៉ូតូទាំងពីរគ្រឿងរងការខូចខាតទៅមុខលែងរួច ចំណែកយុវជនជិះម៉ូតូឡេតរងរបួសបែកមុខបែកមាត់។ 
ក្រោយកើតហេតុភាគីទាំងសងខាងបានធ្វើការសម្របសម្រួលគ្នាដោយភាគីខាងម៉ូតូសង់កូរ៉េព្រមសងថ្លៃការខូចខាតនិងថ្លៃព្យាបាលរបួសចំនួន70$ដើម្បីបញ្ចប់រឿងនៅកន្លែងកើតហេតតែម្ដង ដោយមិនរំខានដល់សមត្ថកិច្ចឡើយ។ ជីម ភារ៉ា
