កំពង់ចាម៖កុមារីអាយុ7ឆ្នាំម្នាក់បានស្លាប់ភ្លាមៗនៅលើផ្លូវដោយគ្រោះថ្នាក់ចរាចរបង្ករ
ដោយរថយន្តបុកបង្ករអោយមានភាពភ្ញាក់ផ្អើលនៅវេលាម៉ោង6និង20នាទីថ្ងៃទី22ឧសភា
2016នៅលើផ្លូវក្រាលក្រួសស្ថិតក្នុងភូមិជ័យឃុំមានជ័យស្រុកស្រីសន្ធរខេត្តកំពង់ចាម។
ប្រភពពត៌មានពីកន្លែងកើតហេតុបានអោយដឹងថានៅមុនពេលមានគ្រោះថ្នាក់នេះកើតឡើងគេឃើញមានរថយន្តម៉ាកហ៊ីយ៉ាន់ដាយពណ៌សពាក់ស្លាកលេខភព3C4076
បើកបរដោយឈ្មោះហ៊ូគឹមអ៊ាងភេទប្រុសអាយុ32ឆ្នាំមានទីលំនៅភូមិទី8ឃុំតានងស្រុកកោះសូទិនខេត្តកំពង់ចាមបានបើកបរលើផ្លូវក្រាលកៅស៊ូ។
ប្រភពបន្តថាពេលមកដល់កន្លែងកើតហេតុរថយន្តខាងលើបានបុកកុមារីម្នាក់ឈ្មោះ
ចែមគីមហេង មានទីលំនៅភូមិ-ឃុំកើតហេតុបណ្តាលអោយស្លាប់ភ្លាមៗ
លោកហេងវណ្ណាអធិការនគរបាលស្រុកស្រីសន្ធរបានអោយដឹងថាពេលគ្រោះថ្នាក់
ចរាចរនេះកើតភ្លាមសមត្ថកិច្ចបានឃាត់ខ្លួនអ្នកបើកបររថយន្តឈ្មោះហ៊ូគឹមអេងមកអធិការដ្ឋានដើម្បីបំពេញសំណុំឯកសារតាមនិតិវិធីនិងយករថយន្តមករក្សាទុក ។
ចំណែកសពកុមារីរងគ្រោះត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើ
បុណ្យតាមប្រពៃណី ។
