ក្រុងបាវិត៖មានការភ្ញាក់ផ្អើលទាំងព្រឹកខណះដែលប្រជាពលរដ្ឋបាននាំគ្នាទៅបេះផ្សិតនៅក្នុងចំការកូនប្រេងខ្យល់មួុយកន្លែងស្ថិតក្នុងភូមិទួលអំពិលសង្កាត់ច្រកម្ទេសក្រុងបាវិតខេត្តស្វាយរៀងហើយបានប្រទះឃើញសាកសពបុរសម្នាក់ពុំត្រូវបានស្គាល់អត្តសញា្ណនោះឡើយ។ហេតុការណ៍នេះបានកើតឡើងកាលពីវេលាម៉ោង៧និង៤០នាទីព្រឹកថ្ងៃទី២៤ខែឧសភាឆ្នាំ ២០១៦នៅក្នុងចំការកូនប្រេងខ្យល់តាទឺងស្ថិតក្នុងភូមិសង្កាត់កើតហេតុខាងលើ។តាមសម្តីស្ត្រីជាប្រពន្ធបុរសឈ្មោះទឹម ណុន អាយុ៣០ឆ្នាំជាអ្នកដែលបាន ឃើញហេតុការណ៍ខាងលើបាននិយាយថាៈ នៅព្រឹក ថ្ងៃកើតហេតុប្តីរបស់គាត់បានទៅដកផ្សឹតជាមួយបុរសម្នាក់ទៀតជាអ្នកជិតខាងឈ្មោះខៀវ សិត ហៅក្រិច រស់នៅភូមិទួលអំពិលសង្កាត់ច្រកម្ទេសក្រុងបាវិត។ ប្រភពដដែលបានឱ្យដឹងទៀតថាៈនៅពេលទៅដកផ្សឹតបានបន្តិចប្តីរបស់គាត់បានធំក្លិនស្អុយចម្លែកចេញពី ក្នុងព្រៃប្រេងខ្យល់ហើយប្តីរបស់គាត់បានដើរតាមរក ក្លិនស្អុយនោះស្រាប់តែប្រទះនិងសាកសពបុរសម្នាក់ដែលមិនស្គាល់អត្តសញ្ញាណដេកស្លាប់ឡើងស្វិតអស់ទៅហើយ។ឃើញដូចច្នេះប្តីរបស់គាត់ក៏បានរត់ មកផ្ទះប្រាប់រូបគាត់អំពីរឿងរ៉ាវនៃការប្រះឃើញសាក សពព្រមទាំងបានរាយការណ៍ជូនសមត្ថកិច្ចតែម្តង។
សមត្ថកិច្ចបានឱ្យដឹងថាៈសាកសពដែលប្រជាពលរដ្ឋ បានប្រទះឃើញនោះជាបុរសមាឌធំខ្ពស់ប៉ុន្តែមិន ស្គាល់អត្តសញាណទេពីព្រោះសពអាចស្លាប់ច្រើនថ្ងៃ មកហើយ សពឡើងក្រៀមមើលពុំយល់ឡើយហើយ ក៍បានហៅអ្នកស្រុកជួយយកសពទៅកប់នៅក្មុងចំការកូនប្រេងខ្យល់នោះតែម្តងរង់ចាំមើលក្រែងមានក្រុមគ្រួសារសាច់ញាតិសួររក។
