ឧត្តរមានជ័យ៖ហេតុការគ្រោះថ្នាក់ចរាចរណ៍មួយរវាងម៉ូតូនិងម៉ូតូបណ្តាលឲ្យបុរសម្នាក់បានស្លាប់នៅនិងកន្លែងកើតហេតុនិង២នាក់ផ្សេងទៀតរងរបួសធ្ងន់។ហេតុការនេះបានកើតឡើងនៅវេលាម៉ោង៣និង១៥នាទី ថ្ងៃទី២៦ ខែឧសភា ឆ្នាំ២០១៦ ស្ថិតនៅលើកំណាត់ផ្លូវជាតិលេខRP១៧៤ ទល់មុខអាហារដ្ឋានយីហោ(តាគីមខ្យងអាំង)ស្ថិតក្នុងភូមិទួលគ្រួស ឃុំថ្លាត ស្រុកអន្លង់វែង ខេត្តឧត្តរមានជ័យ។ជនរងគ្រោះអ្នកបើកបរម៉ូតូធំឈ្មោះ ថាត ទិត្យា ភេទប្រុស អាយុ១៩ឆ្នាំរស់នៅភូមិអភិវឌ្ឍន៍ ឃុំអន្លង់វែង ស្រុកអន្លង់វែង ខេត្តឧត្តរមានជ័យម៉ូតូម៉ាកឌួក(បណ្តាលអោយរងរបួសធ្ងន់ បាក់ថ្គាមខាងឆ្វេងនិងបែកស្មងខាងឆ្វេង)ហើយអ្នករួមដំណើរដែលស្លាប់ក្នុងហេតុការណ៍ខាងលើឈ្មោះ លុន ថុណា ភេទប្រុស អាយុ១៩ឆ្នាំ រស់នៅក្នុងភូមិកណ្តាលលើ ឃុំអន្លង់វែង ស្រុកអន្លង់វែង ខេត្តឧត្តរមានជ័យ។រីឯអ្នករងរបួសធ្ងន់ម្នាក់ទៀតឈ្មោះ តា គីម ជាម្ចាស់អាហាដ្ឋានខាងលើបើកបរម៉ូតូម៉ាកវេវពណ៍ខ្មៅអត់ស្លាកលេខ។
បើតាមសាក្សីនៅកន្លែងកើតហេតុបានអោយដឹងថា ម៉ូតូទាំងពីរខាងលើបានបើកបរស្របទិសគ្នាដោយម៉ូតូម៉ាកឌួក បើកពីខាងក្រោយម៉ូតូវេវបោះពួយយ៉ាងលឿនពីលិចទៅកើតពេលមកដល់ចំណុចកើតហេតុម៉ូតូម៉ាកវេវបានបត់ចូលអាហាដ្ឋានរបស់ខ្លួនស្របពេលម៉ូតូម៉ាកទួកដែលជិះគ្នាពីរនាក់មកដល់ល្មម ក៏បុកគូទពីក្រោយបានបណ្តាលអោយម៉ូតូឌួកហោះអូសជាង៦០ម៉ែត្របោកទៅនិងចញ្ចើមផ្លូវយ៉ាងដំណំរហូតបង្ករអោយមានអ្នកស្លាប់និងរងរបួសយ៉ាងធ្ងន់ធ្ងរ។សមត្ថកិច្ចបានអោយដឹងថា ក្រោយពីបានចុះធ្វើការវាស់វែងរួចដោយយកម៉ូតូទាំង២មករក្សាទុកនៅអធិការដ្ឋាននគរបាលស្រុកអន្លង់វែង ដោយឡែកអ្នករងរបួសត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកស្រុកអន្លង់វែង រីឯសាកសពបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
