ភ្នំពេញ៖យុវជនម្នាក់ត្រូវបានក្រុមជនសង្ស័យមានគ្នា៤នាក់ជិះម៉ូតូពីរគ្រឿង មកគៀរឲ្យឈប់រួចដកកាំភ្លើងផ្ចុងនិងវាយប្លន់យកម៉ូតូបានសម្រេច កាលពីវេលាម៉ោង៤និង៣០នាទីទៀបភ្លឺ ថ្ងៃទី៣០ ខែឧសភា ឆ្នាំ២០១៦ នៅចំណុចជាប់របងវត្តទួលសង្កែ ស្ថិតក្នុងសង្កាត់ទួលសង្កែ ខណ្ឌឬស្សីកែវ។
ជនរងគ្រោះមានឈ្មោះញ៉ែម ហោសីុ ភេទប្រុស អាយុ២៣ឆ្នាំ មានមុខរបរជានិសិត្ស ស្នាក់នៅវត្តសារាវ័ន្ត ក្នុងខណ្ឌដូនពេញ។បើតាមសម្ដីជនរងគ្រោះបានប្រាប់ឲ្យដឹងថា មុនពេលកើតហេតុគឺ រូបគាត់បានជិះម៉ូតូម៉ាកហង់ដាឌ្រីម ពណ៌្មខ្មៅ ពាក់ស្លាកលេខ ក្រចេះ 1B.4542 
ចេញពីផ្ទះបងបង្កើតដែលមានប្រពន្ឋនៅកន្លែងវាយកូនគោល ក្នុងសង្កាត់ឬស្សីកែវ ខណ្ឌឬស្សីកែវ ហើយបានជិះម៉ូតូមកយកមិត្តភក្ត្ររបស់គេនៅផ្ទះបងរបស់គាត់ម្នាក់ទៀតដែលនៅក្បែរកន្លែងកើតហេតុខាងលើ ខណះបានពាក់កណ្ដាលផ្លូវដែលជាកន្លែងកើតហេតុនោះក៏ស្រាប់តែមានជនសង្ស័យ៤នាក់ជិះម៉ូតូ២គ្រឿង ដែលមិនចាំម៉ាក បានជិះមកគៀរហើយវៃនិងដកកាំភ្លើងខ្លីមកផ្ចុងប្លន់យកម៉ូតូបានសម្រេច រួចជិះគេចខ្លួនបាត់ស្រមោលតែម្ដងដោយមិនរំខានដល់សមត្ថកិច្ចមូលដ្ឋានឡើយ។បន្ទាប់មកជនរងគ្រោះបានទៅដាក់ពាក្យបណ្ដឹងនៅប៉ុស្ដិ៍នគរបាលរដ្ឋបាលទួលសង្កែ ដើម្បីកំណត់មុខសញ្ញាឲ្យសមត្ថកិច្ចតាមចាប់ជនសង្ស័យនិងផ្ដន្ទាទោសតាមផ្លូវច្បាប់៕ដោយៈជីម ភារ៉ា
