កោះកុងៈ នៅវេលាម៉ោង ២២ និង៣០នាទី ថ្ងៃទី៣១ ខែឧសភា ឆ្នាំ២០១៦ កម្លាំងកងរាជអាវុធហត្ថស្រុកមណ្ឌលសីមា សហការជាមួយកម្លាំងអធិការស្រុកមណ្ឌលសីមា បានធ្វើការបង្ក្រាបករណីជួញដូរ នូវសារធាតុញៀន ស្ថិតនៅចំណុចភូមិ០១ ឃុំប៉ាក់ខ្លង ស្រុកមណ្ឌលសីមា ខេត្តកោះកុង។
បើតាមសំដីភ្នាក់ងារ GRK News បានអោយដឹងថា
កម្លាំងកងរាជអាវុធហត្ថស្រុកមណ្ឌលសីមា បានធ្វើការឃាត់ខ្លួនបានជនសង្ស័យចំនួនពីរនាក់ ដែលមានឈ្មោះ ៖០១. ស៊ីម សុន ភេទស្រី អាយុ៥៧ឆ្នាំ សញ្ជាតិខ្មែរ មុខរបរនេសាទ ទីលំនៅបច្ចប្បន្ន ភូមិ ១ ឃុំប៉ាក់ខ្លង ស្រុកមណ្ឌលសីមា ខេត្ត កោះកុង។
០២. នន់ សារី ភេទប្រុស អាយុ៥៤ឆ្នាំ សញ្ជាតិខ្មែរ មុខរបរនេសាទ ទីលំនៅបច្ចប្បន្ន ភូមិ ១ ឃុំប៉ាក់ខ្លង ស្រុកមណ្ឌលសីមា ខេត្ត កោះកុង។+ វត្ថុតាងចាប់យករួមមាន៖០១. ម្សៅក្រាមពណ៌សថ្លា ចំនួន ០៩កំណាត់ទុយោ ដែលមានទម្ងន់ស្មើ៣.២៤ ក្រាម០២. ថ្នាំយ៉ាម៉ាគ្រាប់ចំនួន ៣៦៤គ្រាប់់០៣. ទូរស័ព្ទដៃចំនួន ០១គ្រឿង០៤. ដាវសាម៉ូរ៉ៃចំនួន ០១ដើម ។ជនសង្ស័យ និងវត្ថុតាងខាងលើត្រូវកម្លាំងអាវុធហត្ថស្រុកមណ្ឌលសីមា កំពុងកសាងសំណុំរឿង ដើម្បីបញ្ចូនបន្តតាមនីតិវិធី ។
