​អាវុធហត្ថ​ខណ្ឌដូនពេញ ឃាត់ខ្លួន​ជនជាតិ​ម៉ា​ឡេ​សុ​ី​២​នាក់​ពាក់ព័ន្ធ​និង​គ្រឿងញៀន​

ភ្នំពេញ៖បុរសជនជាតិម៉ាឡេសីុ២នាក់ ត្រូវកម្លាំងកងរាជអាវុធហត្ថខណ្ឌដូនពេញឃាត់ខ្លួន បន្ទាប់ពីពួកគេចែកចាយគ្រឿងញៀនជាក់ស្តែងកាលពីវេលាម៉ោង២២និង៣៥នាទីយប់ថ្ងៃទី៣១ខែឧសភាឆ្នាំ២០១៦ ចំណុចផ្លូវ១៧២កែង៥១ សង្កាត់ផ្សារថ្មី៣ ខណ្ឌដូនពេញ ។

មន្ត្រីកងរាជអាវុធហត្ថខណ្ឌដូនពេញ បានឲ្យដឹងថាជនសង្ស័យ០២នាក់ដែលឃាត់ខ្លួនពាក់ព័ន្ធ ករណីជួញដូរគ្រឿងញៀននេះ ទី ១.ឈ្មោះ DAVE NASARENO ភេទប្រុស អាយុ៣០ឆ្នាំ ជនជាតិម៉ាឡេសុី មុខរបរ ទេសចរណ៍ស្នាក់នៅផ្ទះជួលមិនចាំលេខ ម្តុំផ្សារស្ទឹងមានជ័យ(ជាម្ចាស់ថ្នាំ)ទី២២.ឈ្មោះ SIR BROOKES NINO CAMVA ភេទប្រុស អាយុ២៨ឆ្នាំ ជនជាតិម៉ាឡេសុី មុខរបរទេសចរណ៍ស្នាក់នៅផ្ទះជួលមិនចាំលេខ ម្តុំផ្សារស្ទឹងមានជ័យ ។ ចំណែកវត្ថុតាងចាប់យករួមមានម្ស៉ៅក្រាមសថ្លាចំនួន០១កញ្ចប់តូច ដែកកេះ២ ទូរស័ព្ទ០២គ្រឿង ។

សមត្ថកិច្ចកងរាជអាវុធហត្ថខណ្ឌដូនពេញបានឲ្យដឹងទៀតថាមុនពេលឃាត់ខ្លួនជនសង្ស័យជនជាតិម៉ាឡេស៊ី២នាក់គឺកម្លាំងបានទទួលព័ត៌មានសម្ងាត់ថាមានជនបរទេស២នាក់នោះបាននឹងកំពុងលាក់ទុកថ្នាំញៀនជាប់ខ្លួនទើបកម្លាំងមកដល់ហៅឆែកឆេរឃើញលាក់ទុកថ្នាំញៀនជាក់ស្តែងក៏នាំខ្លួនទៅបញ្ជាការអាវុធហត្ថខណ្ឌដូនពេញដើម្បីកសាងសំណំុរឿងបញ្ជូនទៅចាត់ការបន្តតាមនិតិវិធី៕