ក្រុងប៉ោយប៉ែត៖ច្រករបៀងជាង៤០កន្លែង តាមខ្សែរបន្ទាត់ព្រំដែំនកម្ពុជាថៃត្រូវបានបិទអស់ទាំងស្រុងទៅហើយ ដោយឡែនៅច្រកតំបន់ចំនួន២ និងច្រកអន្តរជាតិប៉ោយប៉ែតកំពុងរឹតបណ្តឹងជាបន្តបន្ទាប់ផងដែរ។
សូមបញ្ជាក់ដែលថា ចាប់ពីមានការប្រកាសធ្វើរដ្ឋប្រហាពីសំណាក់កងទព័ថៃ កាលពីល្ងាចថ្ងៃទី២២ ខែឧសភា ឆ្នាំ២០១៤នេះ នៅឯក្រុងបាងកកប្រទេសថៃនេះ គឺគេបានសង្គេតឃើញថា មានច្រករបៀងជាង៤០កន្លែងដែលតាមខ្សែរបន្ទាត់ខាងលើនោះ ត្រូវបានទាហ៊ានថៃបិទអស់ជាស្ថាពរទៅហើយកាលពីល្ងាចថ្ងៃទី២២ ខែឆ្នាំដ៏ដែលនោះ។
សំរាប់ប្រភពពត៏មានថ្មី នៅឯច្រកអន្តរជាតិប៉ោយប៉ែតនោះ គឺខាងសម្ថកិច្ចថៃបានជូនដំណឹងមកខាងច្រកទ្វារអន្តរជាតិកម្ពុជារួចហើយ គឺចាប់ពីម៉ោង៦ ០០នាទីព្រឹក ថ្ងៃទី២៣ ខែឧសភានេះ គឺមានការផ្លាស់ប្តូរ ប៉ូលិសអន្តោប្រវេសន៏ថៃ ច្រកទ្វារចេញ ដោយយកទាហ៊ានព្រះមហាក្សត្រថៃឈុតខ្មៅចូលជំនួសវិញ ហើយខាងច្រកទ្វារថៃក៏បានជួនដំណឹងទៀតថា ចាប់ពីម៉ោង៦ ០០ គឺខាងថៃមិនអនុញ្ញាតិឲ្យរថយន្តដឹកហ្គាស់ខ្មែរ ចូលទៅដឹកហ្គាស់ក្នុងដីថៃត៏ទៅទៀតទេគឺគេអនុញ្ញាតិឲ្យតែអាជីវកនៃ នាំរថយន្តចូលដូចសព្វដងតែប៉ុណ្ណោះ ចំពោះប្រភពពត៏មានចុងក្រោយបានបញ្ជាក់ទៀតថា ចាប់ពីម៉ោង១០ព្រឹក ថ្ងៃទី២៣ ខែឆ្នាំដ៏ដែលនោះ គឺខាងថៃធ្វើសកម្មភាពបិទរថយន្តដឹកហ្គាស់ខ្មែរ ចូលទៅថៃតែម្តង។
លោកងោម៉េងជ្រូង អភិបាលក្រុងប៉ោយប៉ែត បានទៅដល់លើស្អានអន្តរជាតិហើយ ដើម្បីអប់រំពលរដ្ឋខ្មែរដែលមានរថយន្តចូលទៅដឹកហ្គាស់ក្នុងដីថៃ ដើម្បីឲ្យមានការប្រុងប្រយត៏ខ្ព ស់ក្រែងលោខាងថៃ មានការឃាត់ខ្លួន ក្នុងគ្រាដែលប្រទេសគេកំពុងធ្វើរដ្ឋប្រហានោះ។
លោកសំជិតស្នងការងទទួលបន្ទុកព្រំដែនបញ្ជាក់ថា មានច្រករបៀងជាង៤០កន្លែងពីស្រុកថ្មពួក ដល់ស្រុកម៉ាឡៃត្រូវបានបិទអស់ទៅហើយ ចាប់ពីម៉ោង៨យប់ ដល់ពេលនេះ ដោយឡែកលោកស្នងការងដ៏ដែលបញ្ជាក់ទៀតថា សំរាប់ច្រកតំបន់ចំនួន២ និងច្រកអន្តរជាតិប៉ោយប៉ែត
កំពុងរឹតបន្តឹងផ្នែកសន្តិសុខបន្ថែមទៀត៕
