??? បរទេសថៃ☞និស្សិតថៃចំនួន៣នាក់ ដែលកំពុងសិក្សានៅក្នុងមហាវិទ្យាល័យអាកាសចរណ៍សុីវិលអន្តរជាតិ ក្នុងខេត្តនគរភ្នំ ប្រទេសថៃ បានជួបនឹងឧប្បទ្ទវហេតុដោយសារធ្លាក់យន្តហោះ បណ្តាលអោយស្លាប់ភ្លាមៗ ខណៈដែលពួកគេបានធ្វើការហោះហើរសាកល្បង
ទៅតាមកម្រិតនៃការសិក្សា ហើយបានធ្លាក់ទាំងព្រឹកដោយមិនទាន់ដឹងអំពីមូលហេតុ ។
យោងតាមរបាយការណ៍ពីក្នុងប្រទេសថៃបានអោយដឹងថា នៅវេលាម៉ោង៥ ព្រឹកថ្ងៃទី២
ខែមិថុនា ឆ្នាំ២០១៦ មានការហោះហើរនូវយន្តហោះប្រភេទខ្នាតតូចសាកល្បង ដោយ
ក្រុមនិស្សិតនៃមហាវិទ្យាល័យអាកាសចរណ៍សុីវិល ដែលមានទីតាំងស្ថិតក្នុងឃុំពោធិតាក
ស្រុកមឿង ខេត្តនគរភ្នំ ប្រទេសថៃ ។
របាយការណ៍បានបន្តថា នៅពេលនោះដែរគឺគេមិនទាន់ដឹងច្បាស់នោះទេអំពីមូលហេតុ
ដោយសារតែគេឃើញយន្តហោះនេះបានសំយ៉ុងក្បាលហើយធ្លាក់យ៉ាងលឿនមកលើដី
ត្រង់ចំនុចម្តុំវាលស្រែ ដែលមានចំងាយពីសាលារៀនប្រមាណ៣០០ម៉ែត្រ ដែលបាន
សម្លាប់ក្រុមនិស្សិតដែលនៅលើយន្តហោះនោះចំនួន៣នាក់ផងដែរ ។
ក្រោយពេលជួបនឹងឧប្បទ្ទវហេតុនេះរួចមក គេសង្គេតឃើញខាងអង្គភាពជំនាញបាន
ចុះទៅពិនិត្យ និងស្វែងរកមូលហេតុដែលធ្វើអោយយន្តហោះនេះធ្លាក់ ព្រមទាំងបាន
សម្លាប់ជីវិតមនុស្សបែបនេះ ៕
