បន្ទាយមានជ័យ៖បុរសម្នាក់បានរងរបួសធ្ងន់បាក់ជើងខាងស្តាំដោយសារបើរម៉ូតូចេញពីផ្លូវលំនៃទំនប់អូរខៃដនភូមិសុខសាន្តមកផ្លូវជាតិលេខ៥ភូមិយាង។គ្រោះថ្នាក់នោះកើតឡើងនៅវេលាម៉ោង៦ល្ងាចថ្ងៃទី២មិថុនាឆ្នាំ២០១៦ត្រងចំណុចមុខក្លោងទ្វារវត្តអូខៃដន(វត្តសុខសាន្ត)
ភូមិយាងសង្កាត់និមិត្តក្រុងប៉ោយប៉ែត។ប្រភពពីទីកើតហេតុអោយដឹងថ្ងៃទី៣មិថុនាថា:គ្រោះថ្នាក់នោះបង្កដោយរថយន្តលុចស៊ីសRX300 ពណ៍ស្ករពាក់ស្លាកលេខភ្នំពេញ2AF1704 បើកបរលើផ្លូវជាតិលេខ៥ពីទិសលិចមកទៅកើត ។ចំណែកម៉ូតូម៉ាក់ហុងដាសេ១២៥សេ៊រីឆ្នាំ២០១៦ពណ៍ខ្មៅបើកចេញពីក្លោងទ្វារវត្តពីត្បូងមកជើងអោយប៉ះគ្នាត្រូវផ្លូវប្រសព្វ។ប្រភពបន្តថា:ជនរងគ្រោះមានឈ្មោះឡឹក សុវណ្ណ អាយុ៥៦ឆ្នាំ មានទីលំនៅភូមិកូនដំរី សង្តាត់និមិត្ត ។ជនរងគ្រោះបាក់កជើងខាងស្តាំត្រូវបានបញ្ជូនទៅមន្ទីរពេទ្យបង្អែកខេត្តមិត្តភាពកម្ពុជា ជប៉ុនមង្គលបុរី។ចំណែកជនបង្កជាអ្នកឡានមិនព្រមសហការផ្តល់ឈ្មោះទេ។តែគេបានព្យាយាមដោះស្រាយសំណងជូនជនរងគ្រោះនៅទីកើតហេតុនិងនៅពេទ្យ។តែមន្ត្រីប៉ូលីសប៉ុស្តិ៍រដ្ឋបាលសង្កាតនិមិត្តនិយាយថា រឿងនេះបានរាយការណ៍ទៅអធិការដ្ឋានហើយ ដូច្នេះសុំទាក់ទង់ទៅទីនោះចុះ៕ដោយ:ឃិន គន្ធា
