ខេត្តព្រះសីហនុ៖ជនសង្ស័យម្នាក់ដែលជាប់ពាក់ព័ន្ធបទល្មើសចែកចាយនិងរក្សាទុកសារធាតុគ្រឿងញៀនត្រូវបានកម្លាំងនគរបាលការិយាល័យជំនាញនៃស្នងការដ្ឋាននគរបាលខេត្តព្រះសីហនុធ្វើការបង្ក្រាបនិងដកហូតបានវត្ថុតាងមានថ្នាំញៀនរនិងសម្ភារៈបទល្មើសជាច្រើនទៀត។
ប្រតិបត្តិការឆ្មក់បង្ក្រាបករណីបទល្មើសគ្រឿងញៀននេះបានធ្វើឡើងនៅម៉ោង១១យប់ថ្ងៃទី៣មិថុនា ស្ថិតនៅក្រុម១១ ភូមិ ២សង្កាត់លេខ៣ ក្រុង_ខេត្តព្រះសីហនុ។លោក វរសេនីយ៌ឯក សាន់ ប៊ុនថន ស្នងការរងនគរបាលខេត្តព្រះសីហនុទទួលបន្ទុកប្រធានការិយាល័យកណ្តាលប្រឆាំងបទល្មើស បានឲ្យដឹងថាជនសង្ស័យដែលសមត្ថកិច្ចចាប់ ឃាត់ខ្លូននេះមានឈ្មោះ សន ម៉ុងហេង ភេទ ប្រុស អាយុ ២៦ ឆ្នាំមានស្រុកកំណើត ភូមិ ឃុំ ពាមកោះស្នា ស្រុកស្ទឹងត្រង់ ខេត្ត កំពង់ចាម បច្ចុប្បន្ន ស្នាក់នៅកន្លែងកើតហេតុ។លោក វរសេនីយ៌ឯក សាន់ប៊ុនថន បានឲ្យដឹងទៀតថាមុននិងឈានទៅដល់ការបង្ក្រាបនេះសមត្ថកិច្ចជំនាញបានដាក់ភ្នាក់ងារសម្ងាត់តាមដានមុខសញ្ញាជនសង្ស័យនេះជាយូរមកហើយ។
លោក សាន់ ប៊ុនថន បាន ឲ្យដឹងទៀតថា វត្ថុតាងដែលក្រុមសមត្ថកិច្ចចាប់យកមាន-ថ្នាំញៀនប្រភេទ មេតំហ្វេតាមីន ( ice)ចំនួន ២ កញ្ចប់ធំ និង ១កញ្ចប់តូចទម្ងន់= ១១.៩ ក្រាមកញ្ឆមូរជាបារី៥ដើម ទូរសព្វ័ដៃ ១គ្រឿង ជញ្ចីងថ្លឹងមួយនិងសម្ភារៈមួយចំនួនទៀត។បច្ចុប្បន្នជនសង្ស័យសមត្ថកិច្ចកំពុងសាកសួរ និង កសាងសំណុំរឿងបញ្ជូនទៅសាលាដំបូង ចាត់ការតាមច្បាប់៕
