ខេត្តព្រះសីហនុៈ យុវជនម្នាក់ជាបុគ្គលិកក្រុមហ៊ុន ម៉ាល់ធី ណេសិនណល អេតវើថាយសុនគ្រុបត្រូវបានរងរបួសធ្ងន់ដោយសារឆក់ខ្សែរ ខណះពេលដែល កំពុងតម្លើងស្លាកប៉ាណូ ហើយបានធ្វើអោយដែកគ្រោងស្លាកយីហោ ទៅប៉ះជាមួយខ្សែរភ្លើងស្រាតតង់ស្សុងខ្ពស់ តាមបណ្តោយផ្លូវ
បង្ករអោយមានភាពភ្ញាក់ផ្អើល ដល់ប្រជាពលរដ្ឋនិង សមត្ថកិច្ច។យោងតាមមន្ត្រី អ ហ ក្រុងព្រះសីហនុដែលបានជួយអន្តរាគមន៍សង្គ្រោះបុរសរងគ្រោះខាងលើ បានបញ្ជាក់អះអាងថា៖
នៅ ម៉ោង10:45នាទី/06.06.2016 នៅចំនុចមុខស្ថានីយ៍ប្រេង TOTAL ឃ្លាំងលើ ស្ថិតក្នុង ក្រុម1 ភូមិ1 សង្កាត់លេខ1 កសន មានករណីឆក់ខ្សែភ្លើង 01កើតឡើង ជនរងគ្រោះឈ្មោះ យី សាវ័ន្ត ភេទប្រុស អាយុ 24ឆ្នាំ មុខរបរ ជាងផ្សារដែក បច្ចុប្បន្នស្នាក់នៅផ្ទះជួល ម្តុំចំការដូង ភ្នំពេញ បាន ឡើងលើបង្គោលផ្លាកប៉ាណូ របស់ក្រុមហ៊ុន ម៉ាល់ធី ណេសិនណល អេតវើថាយសុនគ្រុប ធីប៊ីធី ចំកាត់ លើកដែកប៉ះខ្សែភ្លើងបណ្តាលឲ្យឆក់ រងរបួសធ្ងន់។
បច្ចុប្បន្នកំពុងយកទៅសង្គ្រោះនៅគ្លីនិកឯកជនមួយនាក្រុងព្រះសីហនុ៕
