កំពង់ស្ពឺ=ក្រុមចោរមួយក្រុមមានគ្នាប្រែហល៧នាក់បានចូលកន្លែងលក់មាសនិងដូរលុយដោយប្រើស្ទីលដូរលុយទាំងព្រឹកហើយបានបញ្ឆោតម្ចាស់រួចឲ្យក្មេងចូលយកកញ្ចប់ដាក់មាសបានមានមាសជាងតំឡឹងបានដោយសុវត្តិភាព។ ករណីនេះបានកើតពេលព្រឹកវេលាម៉ោង០៧និង០០នាទីថ្ងៃទី២៤ខែឧសភាឆ្នាំ២០១៤នៅចំណុចភូមិព្រៃពង្រឃុំរកាកោះស្រុកគងពិសីខេត្តកំពង់ស្ពឺ។ម្ចាស់តូបលក់មាសនិងដូរលុយដែលជាជនរងគ្រោះមានឈ្មោះសោ.យ៉ាតភេទស្រីអាយុ៥៨ឆ្នាំរស់នៅភូមិឃុំកើតហេតុ។
តាមសម្តីជនរងគ្រោះបានឲ្យសមត្ថកិច្ចដឹងថានៅព្រឹកកើតហេតុរូបគាត់បានងើបមកបើកតូបលក់ដូចរាល់ដងហើយពេលគាត់កំពង់បើកតូបក៏មានឡានមួយគ្រឿងម៉ាកការីមិនស្គាល់ភិនភាគច្បាស់បានបើកមកឈប់ហើយចុះដូរលុយគាត់ខណះរូបគាត់(ជនរងគ្រោះ)មិនទាន់បានរៀបចំដាក់តាំងមាសសម្រាប់លក់រួចរាល់ទេ។ជនរងគ្រោះបន្តថាពេលកំពង់រៀបចំរកលុយដូរក៏មានឡានមួយទៀតពណ៏ខ្មៅមកឈប់ដែរហើយគាត់មិនបានចាប់អារម្មណ៏ទេគិតតែឈររាប់លុយឲ្យភ្ញៀវស្រាប់បានមួយក៏មានអ្នកជិតខាងបានមកស្រែកប្រាប់ថាមានបាត់អីដោយគាត់បានឃើញក្មេងស្រីម្នាក់មានកាន់កញ្ចប់រត់ចេញពីផ្ទះគាត់។ ជនរងគ្រោះបានបញ្ជាក់ថាពេលដែលអ្នកជិតខាងប្រាប់គាត់បានដើររកកញ្ចប់ដាក់មាសក៏បានបាត់មិនឃើញហើយបានស្រែកឆោឡោឲ្យគេជួយទន្ទឹមនោះទាំងឡានទាំងម៉ូតូដែលមកចតមុខតូបក៏បានបើកចេញអស់ដែរ។
បងស្រីដែលជាសក្សីមានផ្ទះជាប់គ្នានិងជាអ្នកលក់ថ្នាំពេទ្យបានប្រាប់សមត្ថកិច្ចថានៅវេលាខាងលើរូបបានបើកទ្វារលក់ដូរដែរហើយបានឃើញឡានមួយគ្រឿងពណ៏សមិនស្គាល់ម៉ាកបានបើកមកឈប់នៅមុខផ្ទះកើតហេតុបន្ទាប់មកក៏មានឡានមួយគ្រឿងទៀតពណ៏ខ្មៅមកឈប់មួយទៀតតែគាត់មិនបានចាប់អារម្មណ៏ឡើយគិតថាអ្នកមកទិញសម្ភារះ។
សាក្សីដដែលបានបន្តថាស្រាប់តែប្រហែលជា៥នាទីក្រោយមកក៏ឃើញមានម៉ូតូចំនួន២គ្រឿងទៀតបានមកឈប់នៅពីក្រោយឡានចំពីមុខផ្ទះគាត់ផ្ទាល់ហើយអ្នកបើកបានចុះដើរសំដៅមករកទិញថ្នាំពេទ្យក្នុងបំណងមើលផ្លូវ។ខណះពេលគាត់កំពង់រកថ្នាំលក់គាត់បានក្រឡេកភ្នែកទៅមុខតូបលក់របស់ឈ្មោះសោ.យ៉ាតក៏បានឃើញក្មេងស្រីម្នាក់ដែលមានអាយុជា២០ឆ្នាំបានអោបកញ្ចប់រត់ចេញពីតូបជនរងគ្រោះដោយឆ្លងផ្លូវទៅចូលផ្សា។ដោយឃើញបែបនេះគាត់បានស្ទុះទៅប្រាប់ឈ្មោះសោ.យ៉ាតថាមានបាត់អីទេគាត់បានឃើញក្មេងស្រីរត់ចេញពីណឹងមានអោបកញ្ចប់ដូចកញ្ចប់ដាក់គាត់។
ប្រភពបន្តថាក្រោយពីបានដឹងថាបាត់កញ្ចប់ដាក់មាសងាកមកម៉ូតូនិងឡានក៏បានចេញដំណើរបាត់អស់ដោយមិនដឹងថាទៅជើងឬទៅត្បូងឡើយហើយបានប្រម៉ានជាង១៥នាទីក៏បានប្តឹងទៅសមត្ថកិច្ចឲ្យជួយអន្តរាគមន៏តាមរកជនសង្សយ័ទាំងម៉ូតូនិងឡាន។ អ្នកលក់នៅទល់មុខតូបជនរងគ្រោះបាននិយាយដែរថាគាត់បានឃើញឡាន២គ្រឿងនិងម៉ូតូ២គ្រឿងមកឈប់ទាំងព្រឹកនៅមុខតូបជនរងគ្រោះតែពួកគាត់មិនបានចាប់អារម្មណ៏ទេម្នាក់ៗគិតថាជាម៉ូយទិញលក់លុះដល់បាត់ទើបដឹងថាក្រុមនេះជាបក្សពួកចោរសោះ។
សមត្ថកិច្ចដែលចុះពិត្យកន្លែងកើតហេតុបាននិយាយថានេះជាករណីចូលបន្លំយកមាសដោយប្រស្ទីលដូរលុយនិងមានគ្នាច្រើនសម្រាប់បង្វែងដានអ្នកលក់មាសដោយប្រើរូបភាពឲ្យកូនក្មេងជាអ្នកចូលយកកញ្ចប់ដាក់មាសនៅខាងក្រោយខ្នងជនរងគ្រោះ។
បើតាមអ្វីដែលគេបានឃើញនោះរឿងនេះសមត្ថកិច្ចមិនត្រូវចាត់ទុករឿងនេះថាជាករណីបន្លំឬលួចនោះទេពេលនេះម្ចាស់មិនទាន់វាជាករណីលួចតែបើម្ចាស់ទាន់ក្រុមនេះនិងធ្វើសកម្មភាពប្លន់និយាយរួមពួកក្រុមចោរវាបានប្រើកំលាំង៧នាក់នេះបើតាមសក្សីឲ្យដឹងមានយានជំះនិះគ្រប់ប្រភេទថែមទៀត។ ក្រោយពីកើតហេតុគេបានក្រុមសមត្ថកិច្ចទាំងខេត្តកំពង់ស្ពឺនិងខេត្តកណ្តាលបានពង្រាយឡានស៊ីរ៉ែននិងកងកំលាំងជាច្រើនតាមស្វែងរកក្រុមជនសង្សយ័គ្រប់ច្រកល្ហកតែមិនបានជួបឡើយហើយនៅបន្តស្វែងរកបន្តទៀត៕ច្បារមន
