ខេត្តប៉ៃលិន ៖ ក្រុមប្រជាពលរដ្ឋដែលស៊ីឈ្នួលធ្វើស្មៅដំឡូងមីឲ្យគេ មានការភ្ញាក់ផ្អើលយ៉ាងខ្លាំង ខណៈពួកគាត់ប្រទះឃើញយុទ្ធភណ្ឌមិនទាន់ផ្ទុះចំនួន២គ្រាប់ នៅកន្លែងផ្សេងគ្នា កាលពីវេលាម៉ោង១៣ និង៣០នាទីរសៀល ថ្ងៃទី២៣ ឆ្នាំ២០១៤ ស្ថិតនៅចំការដំឡូងមីមួយកន្លែង ក្នុងភូមិសួស្តី សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ។ ប្រភពពីប្រជាពលរដ្ឋដែលឃើញហេតុការណ៏បានឱ្យដឹងថា៖ ថ្ងៃកើតហេតុគាត់បានទៅស៊ីឈ្នួលធ្វើស្មៅដំឡួងមីឲ្យគេ ហើយក៏ប្រទះឃើញគ្រាប់រំសេវចំនួន១គ្រាប់ គឺប្រភេទ៨២មីលីម៉ែត្រ ស្ថិតក្នុងចំណុចកើតហេតុខាងលើ ពេលនោះគាត់បានរាយការណ៏ប្រាប់មេភូមិសួស្តី ឲ្យបានជ្រាប ។
លោកអ៊ែម ចំរ៉ុង ជាមេភូមិសួស្តី បានមានប្រសាសន៏ឲ្យដឹងថា៖ ក្រោយពីមានសេចត្តីរាយការណ៏ពីប្រជាពលរដ្ឋ លោកបានចុះទៅពិនិត្យមើល ឃើញមានគ្រាប់រំសេវប្រភេទ៨២មីលីម៉ែត្រ ហើយប្រជាពលរដ្ឋនៅខាងកើតផ្លួវក៏ប្រទះឃើញគ្រាប់ប្រភទB41 មានច្រេះនៅជុំវិញក្បាល និងកន្ទុយផងដែរ ។
តែទោះបីជាយ៉ាងណា ប្រសិនជាមានក្មេង ឬអ្នកណាម្នាក់យកទៅដុត ឬដុំនោះអាចបង្កឱ្យមានគ្រោះថ្នាក់បាន ។ ប្រភពបន្តទៀតថា៖ នៅពេលឃើញមានគ្រាប់រំសេវច្រើនក្នុងតំបន់របស់លោកកាន់កាប់ ,លោកបានធ្វើលិខិតស្នើរសុំទៅអង្កការកម្ចាត់មីនកម្ពុជា (CMAC) ឲ្យមកជួយដោះគ្រាប់យុទ្ធភណ្ឌមិនទាន់ផ្ទុះទាំងនោះ ដើម្បីចៀសវាងគ្រោះថ្នាក់ជាយថាហេតុដល់ប្រជាពលរដ្ឋ របស់លោក៕ 
