ភ្នំពេញ៖ គោចំនួន4ក្បាលមេ2និងកូន2ដែលចោរបានលួចតាំងពីខេត្ដកំពង់ចាបមកត្រូវម្ចាស់តាមរកឃើញកាលពីវេលាម៉ោង១០និង៣០នាទីថ្ងៃទី២៤ខែឧសភាឆ្នាំ២០១៤នៅចំណុចដីឡូមួយកន្លែងក្រុមទី៥ភូមិឡរកំប៉ោរសង្កាត់ស្វាយប៉ាកខណ្ឌឬស្សីកែវរាជធានីភ្នំពេញបន្ទាប់ពីចោរបានយកមកប្លុងចោលហើយម្ចាស់បានសហការណ៍ជាមួយនគបាលបុស្ដ៍ស្វាយប៉ាក។បើតាមលោកប៊ិនយិមភេទប្រុសអាយុ៤៩ឆ្នាំដែលបានអះអាងថាជាម្ចាសគោមានមុខរបរជាកសិករស្នាក់នៅភូមិសង្កើបឃុំសម្បូរ
ស្រុកបាធាយខេត្តកំពង់ចាមបានអោយដឹងថាះគោរបស់គាត់មានទាំងអស់ចំនួន8ក្បាលហើយកាលពីព្រឹកថ្ងៃទី២៣ខែឧសភាឆ្នាំ២០១៤គាត់បានប្រើក្មេងអោយយកទៅឃ្វាលនៅឯវាលស្រែលុះដល់ម៉ោងប្រហែលជា៣និង០០នាទីល្ងាចក្មេងបានទៅហូបបាលស្រាប់តែមួយសន្ទុះក្រោយមកពេលដែលក្មេងរបស់គាត់ត្រឡប់មកពីហូបបាយវិញស្រាប់តែបាត់គោអស់5ក្បាលគាត់ក៏បានតាមរកសួរគេសួរឯងហើយត្រូវគេប្រាប់ថាឃើញគេកៀងយកទៅពេលដែលបានទទួលដំណឹងនេះភ្លាម
គាត់ក៏បានចែកគ្នាតាមដើររកគោរបស់គាត់ទាំងយប់ស្រាប់តែម៉ោងប្រហែលជា១០និង០០នាទីយប់ថ្ងៃទី២៣ខែឧសភាឆ្នាំ២០១៤គោរបស់មួយក្បាលបានរត់មកផ្ទះវិញទាំងឃើញខ្សែដាច់ចំណែកគោ4ក្បាលទៀតបាត់មិនឃើញមកវិញសោះ។លុះព្រឹកឡើងថ្ងៃទី២៤ខែឧសភាឆ្នាំ២០១៤គាត់មិនអស់ចិត្តក៏អោយបងប្អូនរបស់គាត់ជួយតាមរកទៀតរហូតដល់ម៉ោប្រហែល៩
និង០០នាទីព្រឹកថ្ងៃទី២៤ខែឧសភាឆ្នាំ២០១៤ស្រាប់តែបងប្អូនរបស់គាត់បានទូរសព្ទប្រាប់ថាបានឃើញគេដឹកគោចំនួន៤ក្បាលនៅក្រោមស្ពានលីយ៉ុងផាត់ស្ថិតក្នុងសង្កាត់ស្វាយប៉ាកខណ្ឌឬស្សីកែវអោយគាត់ប្រញាប់តាមមកមើល។ពេលដែលគាត់មកដល់ស្រាប់តែក្រុមចោរដែលដឹកគោបានគេចខ្លួនបាត់ដោយចងគោទុកចោលក្នុងដីឡូមួយកន្លែងខាងលើគាត់ក៏បាន
ទៅសហការណ៍ជាមួយសមត្ថកិច្ចបុស្ដ៏ស្វាយបាកដើម្បីតាមរកជនសង្ស័យ។បន្ទាប់ពីធ្វើកំណត់ហេតុហើយគោត្រូវបានសមត្ថកិច្ចបុស្ដ៏ស្វាយប៉ាកប្រគល់អោយម្ចាស់ដឹកត្រឡប់យកទៅផ្ទះវិញ៕
