បាត់ដំបងៈ យ៉ាងហោចណាស់ក៏ភាគីម្ខាងបានស្លាប់នៅនឹងកន្លែងកើតហេតុ និងភាគី
របស់ម៉ូតូម្ខាងទៀតបានរងរបួសដោយបាក់ជើងម្ខាង បន្ទាប់ពីម៉ូតូទាំងពីគ្រឿងនេះ
បានបើកបរក្នុងទិសដៅច្រាស់គ្នា ហើយបានបុកគ្នាយ៉ាងពេញទំហឹងទាំងកណ្តាល យប់ងងឹត ។ករណីគ្រោះថ្នាក់ចរាចរណ៍នេះគឺបានកើតឡើងកាលពៅថ្ងៃទី១០ ខែមិថុនា ឆ្នាំ២០១៦
វេលាម៉ោង ៨ និង៣០នាទីយប់ ត្រង់ចំនុចភូមិរហាលសួង ឃុំព្រែកនរិន្ទ ស្រុកឯកភ្នំ ខេត្តបាត់ដំបង រវាងម៉ូតូ និងម៉ូតូ ដែលបើកបរច្រាស់ទិសគ្នា ។យោងតាមរបាយការណ៍របស់សមត្ថកិច្ចបានបញ្ជាក់ថា នៅមុនពេលកើតហេតុគឺមានម៉ូតូមួយគ្រឿងធុន c ១២៥ ពណ៏ខ្មៅ សេរី ២០១០ ពាក់ស្លាកលេខ ប៉ៃលិន 1A៤៤៧៧ បើកបរដោយឈ្មោះ អីុ វីរះ ភេទប្រុស អាយុ១៥ឆ្នាំមុខរបរ សិស្សរស់នៅក្រុមទី៩ ភូមិដូនអិុន ឃុំព្រែកនរិន្ទ ស្រុកឯកភ្នំ ដោយបានបើកបរយ៉ាងលឿនក្នុងទិសដីពីកើតទៅលិច ។របាយការណ៍បានបន្តថា ដោយសារតែយប់ងងឹត លុះមកដល់ត្រង់ចំនុចកើតហេតុក៏ស្រាប់តែបានពើបប្រទះជាមួយនឹងម៉ូតូមួយគ្រឿងទៀតដែលកំពុងបើកបរយ៉ាងលឿនមកពីមុខ ដែលជាម៉ូតូc១២៥ពណ៏ខ្មៅ សេរី២០១៦ គ្មានស្លាកលេខ និងបើកបរដោយឈ្មោះ ហូ សុភ័ក្ត្រ ភេទស្រី អាយុ៣០ឆ្នាំ មុខរបរលក់ដូរ រស់នៅក្រុមទី១២ ភូមិបាក់អំរែក ឃុំព្រែកហ្លួង ស្រុកឯកភ្នំ ខេត្តបាត់ដំបង ។
ក្រោយពេលសមត្ថកិច្ចចុះទៅដល់គេសង្គេតឃើញថា ភាគីម៉ូតូដែលបើកបរដោយក្មេងប្រុសបានស្លាប់នៅនឹងកន្លែងកើតហេតុ ដែលទំនងជាបាក់ ក រីឯភាគីស្ត្រីបានរងរបួសយ៉ាងធ្ងន់ធ្ងរដោយបាក់ជើងឆ្វេងម្ខាង ដែលត្រូវបានសមត្ថកិច្ចដឹកបញ្ជូនទៅកាន់មន្ទីរពេទ្យដើម្បីសង្គ្រោះ
បន្ទាន់ផងដែរ ។បច្ចុប្បន្នម៉ូតូទាំងពីរត្រូវបានកំលាំងសមត្ថកិច្ចនាំយកទៅរក្សាទុកនៅអធិការដ្ឋានជាបណ្តោះអាសន្នសិនដើម្បីរង់ចាំដោះស្រាយ ដោយឡែកសព ក៏ត្រូវបានប្រគល់ទៅអោយក្រុមគ្រួសារនាំយកទៅធ្វើបុណ្យតាមប្រពៃណីហើយដែរ ៕
