ភ្នំពេញ បុរសម្នាក់ត្រូវបានគេប្រទះឃើញដេកស្លាប់នៅនឹងកណ្តាលផ្លូវយ៉ាងអាណោចអាធម៌ដោយពុំដឹងពីមូលហេតុ ចំណែកម៉ូតូនៅឆ្ងាយពីសពប្រមាណជា៥០ម៉ែត្រ ។ ហេតុការណ៍នេះបានបង្កការភ្ញាក់ផ្អើលកាលពីវេលាម៉ោង២នឹង២០នាទីរំលងអាធ្រាតឈានចូលថ្ងៃទី១២ ខែមិថុនា ឆ្នាំ២០១៦ តាមបណ្តោយផ្លូវជាតិលេខ៣ ស្ថិតក្នុងភូមិក្រាំងដូនតីយ សង្កាត់ចោមចៅ ខណ្ឌពោធិ៍សែនជ័យ។បើតាមប្រភពពត៌មានពីប្រជាពលរដ្ឋនៅក្បែរកន្លែងកើតហេតុបានអោយដឹងថា នៅមុនពេលកើតហេតុគេបានលឺសូរសម្លេងដូចជាមានអ្វីមកបុកប៉ះនឹងទ្វារផ្ទះដោយលឺសម្លេងលាន់លឺយ៉ាងខ្លាំង ហើយមួយសន្ទុះក្រោយមកពួកគាត់ក៏បានបើកទ្វារចេញមកក្រៅ ឃើញម៉ូតូហុងដាឌ្រីមសេ១២៥ ពណ៍ខ្មៅពាក់ស្លាកលេខ កណ្តាល 1F 0077 ដួលនៅខាងមុខទ្វារផ្ទះទាំងមិនទាន់នឹងរលត់ម៉ាសុីនផងនោះ។ ពេលនោះគេក៏ប្រទះឃើញសពបុរសម្នាក់ដេកស្លាប់នៅកណ្តាលផ្លូវយ៉ងអាណោចអាធម៌នៅឆ្ងាយពីម៉ូតូប្រមាណជា៥០ម៉ែត្រ ទើបបង្កការភ្ញាក់ផ្អើលហើយនាំគ្នាទំនាក់ទំនងទៅសមត្ថកិច្ចភ្លាមៗ។
សមត្ថកិច្ចមូលដ្ឋានជាច្រើននាក់បានមកដល់កន្លែងកើតហេតុ តែមិនទាន់ដឹងថាបុរសខាងលើស្លាប់បណ្តាលមកពីមូលហេតុអ្វីអោយពិតប្រាកដនោះទេ រង់ចាំការស្រាវជ្រាវបន្តទៀត តែគ្រាន់តែសន្និដ្ឋានថាមិនមែនជាគ្រោះថ្នាក់ចរាចរណ៍។
