បន្ទាយមានជ័យះ ឃាតករដែលសំលាប់ប្អូនបង្កើតខ្លួនឯងហើយរត់គេចបន្ទាប់ពីប៉លីសឃាត់ខ្លួនបានកាលពីពេលកន្លងទៅត្រូវបានគេរាយការណ៍ថា ចាប់ខ្លួនបានហើយនាព្រឹកថ្ងៃទី១៣ខែមិថុនាឆ្នាំ២០១៦នេះនៅសមុទ្ទបាកានប្រទេសថៃ។
លោក សិទ្ធិ ឡោះ ស្នងការរងនគរបាលខេត្តបន្ទាយមានជ័យដឹកនាំការចាប់ខ្លួននេះ។
សូមបញ្ជាក់ថាកាលពីថ្ងៃទី០៨ខែឧសភាឆ្នាំ២០១៦នៅវេលាម៉ោង១៨.៣០នាទីឃាតករឈ្មោះ ប៊ី ឡុង អាយុប្រមាណជាង៣០ឆ្នាំបានសម្លាប់ប្អូនថ្លៃប្រុសខ្លួនឯងដោយកាប់នឹងកាំបិតសាំម៉ូរ៉ៃពីក្រោយចំកញ្ចឹងកហើយទម្លាក់ចោលក្រោមស្ពានទឹកថ្លាផ្នែកខាងកើតស្ថិតក្នុងភូមិទឹកថ្លាសង្កាត់និងក្រុងសេរីសោភ័ណខេត្តបន្ទាយមានជ័យ។ក្រោមការស្រាវជ្រាវយ៉ាងយកចិត្តទុកដាក់សមត្ថកិច្ចនគរបាលបានកំណត់មុខសញ្ញាហើយឈានដល់ធ្វើការឃាត់ខ្លួនឃាតករខាងលើម្តងរួចមកហើយ តែការធ្វេសប្រហែសក៏បានធ្វើអោយជនដៃដល់ដោះខ្នោះជើងរត់គេចខ្លួនចេញពីស្នងការខេត្តរហូតចូលទៅធ្វើជាកម្មករនៅប្រទេសថៃ។
ជនដៃដល់ជាឃាតករអាចនឹងបញ្ជូនមកដល់ខេត្តបន្ទាយមានជ័យនៅល្ងាចថ្ងៃនេះ។
