កំពង់ធំ=ឈ្មួញឈើដុះស្លែរដែលអាជ្ញាធ័រ ភូមិ ឃុំ រួមទាំងមន្ដ្រីជំនាញបើកភ្លើងខៀវ ទុកចិញ្ចឹមឆ្នាំងបាយរបស់ខ្លួនឥឡូវ ត្រូវបានលោក អិុតសុធាព្រះរាជអាជ្ញាខេត្តកំពង់ធំ បញ្ចាអោយលោក គុជគីមឡុង ព្រះរាជអាជ្ញារង ដឹកនាំកំលាំងចំរុះមានសមត្តិកិច្ចជំនាញផ្នែករដ្នបាលព្រៃឈើកំពង់ថ្ម កងរាជអាវុធហត្ថ តំបន់សិករង កំលាំងនគរបាលបានចុះបោស សំអាតទីតាំងស្តុបឈើ៣កន្លែងស្ថិតនៅក្នុង ភូមិត្រពាំងជ្រៃ ឃុំបាល័ង្គ ស្រុកបារាយណ៍ ខេត្តកំពង់ធំនៅវេលាម៉ោង៩.០០នាទីព្រឹកថ្ងៃទី២
៤ ខែឧសភា ឆ្នាំ២០១៤។ ឈ្មួញឈើដុះស្លែរត្រូវបានគេស្គាល់ឈ្មោះ ចាន់ផេង ជាប្ដីនិងប្រពន្ធឈ្មោះគួនលេក អ្នកទាំង២នាក់រស់នៅក្នុងភូមិ ត្រពាំងជ្រៃ ឃុំបាល័ង្គ ស្រុកបារាយណ៍ ខេត្តកំពង់ធំ បានរកសីុឈើរាប់សិបឆ្នាំមកហើយពុំដែលមានសមត្តិកិច្ច ឬអាជ្ញាធ័រ ភូមិឃុំណាម្នាក់ហ៊ានបង្ក្រាបនោះទេព្រោះតែបានសំណែនជាប្រចាំ សង្ងំ បិទភ្នែក បិទត្រចៀក រហូតជាប់ចង្កោះងាកខ្លួនមិនរួច ធ្វើមិនដឹងមិនលឺ ធ្វើអោយការងារខុសច្បាប់នេះអាចរកសីុយ៉ាងរលូនមកដល់សព្វថ្ងៃ។ ការចុះ
បង្ក្រាបនេះមានប្រភេទឈើទាលសុទ្ធ រហូតដល់៣១,៤២៥៥មែត្រគូបក្នុងនោះមានក្ដា សសរជ្រុង ផ្លាន ជាដើមព្រមទាំងបានឃាតខ្លួនប្រពន្ធឈ្មោះ គួនលេក ឯប្ដីបានរត់បាត់ រហូតដល់ល្ងាចថ្ងៃដដែលបានបញ្ចូនទាំងមនុស្សទាំងឈើមកកាន់ផ្នែករដ្នបាលព្រៃឈើកំពង់ថ្មដើម្បីរក្សាទុក ឯម្ចាស់ឈើត្រូវបានសួរនាំរួចហើយបញ្ចូនទៅឃុំខ្លួននៅស្នងការដ្ឋាននគរបាលខេត្ត រួចនិងបញ្ចូនបន្ត ទៅតុលាការចាត់វិធានការតាមច្បាប់៕ 
