កំពត៖ បុរសម្នាក់បានយកពូថៅកាប់ប្រហាទៅលើឱពុកបង្កើតរបស់ខ្លួនឯងដោយគ្មានប្រណីបណ្តាលអោយរងរបួសធ្ងន់ កាលពីវេលាម៉ោង៧,០០នាទីយ់ ថ្ងៃទី១២ខែមិថុនា ឆ្នាំ២០១៦ ស្ថិតភូមិអណ្ដូងខ្មែរ សង្កាត់អណ្តូងខ្មែរ ក្រុងកំពត ខេត្តកំពត ។
មន្ដ្រីនរគបាលអធិការក្រុងកំពតបានអោយដឹងថា ជនសង្ស័យមានឈ្មោះហេង វិបុល ភេទប្រុស អាយុ27ឆ្នាំ រីឯឪពុកបង្កើតឈ្មោះហេង សម្បត្តិ អាយុ53ឆ្នាំ រស់នៅភូមិ ឃុំ កើតហេតុខាងលើ ។បើតាមចម្លើយសារភាពរបស់ជនសង្ស័យបានអោយដឹងថា ខ្លួន (ជនសង្ស័យ) បានខឹងនឹងឱពុកបង្កើតរបស់ខ្លួនដោយបានយកមាន់ជល់ដែលខ្លួនបានចិញ្ចឹម យកទៅលក់ដោយមិនប្រាប់ខ្លួនអោយដឹង ហើយនូវពេលខ្លូនសួរនាំក៏ត្រូវឪពុកស្ដីបន្ទាសធែមទៀត ។
មន្ដ្រីនរគបាលអធិការក្រុងកំពតបានអោយដឹងទៀតថា ដោយសារខឹងនឹងឪពុកស្ដីបន្ទាស និង លក់មាន់ជល់របស់ខ្លួនផង ជនសង្ស័យក៏បានពូថៅកាប់ប្រហារទៅលើឪពុកបង្កើតរបស់ខ្លួនបណ្តាលអោយរបួសបាក់ឆ្អឹង ក ដៃ និងដាច់សរសៃម្រាមកូនដៃ និងនាងដៃ ត្រូវបានអ្នកជិតខាងដឹកយកទៅសង្រោះនៅមន្ទីរពេទ្យសម្ភពបូកគោ ។បច្ចុប្បន្នជនសង្ស័យត្រូវបានសមត្ថកិច្ចជំនាញ កសាងសំណុំរឿងបញ្ចូនទៅតុលាការចាត់ការតាមនិតិវិធី ៕
