ខេត្ត ស្វាយរៀង¶ មានករណីគ្រោះថ្នាក់ចរាចរណ៍កើតឡើងរវាងរថយន្តនិងម៉ូតូបុកគ្នាយ៉ាងពេញទំហឹងបណ្តាលអោយអ្នកជិះដួលបោកក្បាលសន្លប់ឈឹងនៅកណ្តាលថ្នល់។ហេតុការណ៍នេះបានកើតឡើងកាលពីថ្ងៃទី18 ខែមិថុនា ឆ្នាំ2016 វេលាម៉ោង 16និង20នាទី ស្ថិត
នៅភូមិសាមគ្គី សង្កាត់ស្វាយទឿ ក្រុងស្វាយរៀង ខេត្ត ស្វាយរៀង។ប្រភពពីកន្លែងកើតហេតុបានអោយដឹងថានៅមុនពេលកើតហេតុនេះឡើងគេឃើញរថយន្តមួយគ្រឿងបើកបរពីលិចមកកើតលុះមកដល់ចំណុចកើតហេតុស្រាប់មានម៉ូតូមួយគ្រឿងបើកបរពីកើតលិចរេចង្កូចបុកចូលក្រោមរថយន្តបោកដួលសន្លប់និងម៉ូតូខ្ទិចមួយកំណាត់មុខ។ក្រោយពីកើតហេតុការណ៍គ្រោះថ្នាក់ចរាចរណ៍នេះកំលាំងនគរបាលបានចុះអន្តរាគមន៍ហៅរថយន្តសង្គ្រោះដឹកជនរងគ្រោះទៅសង្គ្រោះនៅមន្ទីពេទ្យខេត្តនិងម៉ូតូនិងរថយន្តនាំការិយាល័យចរាចរណ៍ខេត្តរងចាំការដោះស្រាយនាពេលក្រោយ។រីឯជនរងគ្រោះមិនទាន់ស្គាល់អត្តសញ្ញាណនៅឡើយទេចំណែកឯរថយន្តវិញជាប្រភេទរថយន្តដឹកហ្គាស៕
