ដោយចាន់ ធី ឧត្តរមានជ័យ៖ យុវជន២នាក់រងរបួសយ៉ាងធ្ងន់ធ្ង បន្ទាប់ពីជិះម៉ូតូលើដងផ្លូវ ហើយបានបុកជាមួយរថយន្តសាំុយ៉ុងបើកបរបញ្ច្រាស់ទឹសគ្នា។ហេតុការណ៍នេះ បានកើតឡើងកាលពីវេលាម៉ោង៥និង៤០នាទីល្ងាច ថ្ងៃទី១៧ ខែមិថុនា ឆ្នាំ២០១៦ ស្ថិតនៅចំណុចផ្លូវលំ ភូមិគាប ឃុំគោកខ្ពស់ ស្រុកបន្ទាយអំពិល ខេត្តឧត្តរមានជ័យ។សមត្ថកិច្ចបានអោយដឹងថា អ្នកបើកម៉ូតូ ឈ្មោះ អឿង សុង ភេទប្រុស អាយុ១៩ឆ្នាំនិងអ្នករួមដំណើរម្នាក់ឈ្មោះ សំណាង ឆានី ភេទប្រុស អាយុ១៨ឆ្នាំ អ្នកទាំង២រស់នៅភូមិគាប ឃុំគោកខ្ពស់ ស្រុកបន្ទាយអំពិល (បណ្តាលឲ្យរងរបួសធ្ងន់ទាំង២នាក់) ដោយជិះម៉ូតូម៉ាកហុងដាទ្រីម សេ១២៥ ពណ៍ខ្មៅ សេរី២០១០ ពាក់ស្លាកលេខ បន្ទាយមានជ័យ១D១៩៨៤។ចំណែកអ្នកបើកបររថយន្តឈ្មោះ ឈិង សុផាត ភេទប្រុស អាយុ២៥ឆ្នាំ រស់នៅភូមិឈើស្លាប់ ឃុំគោកខ្ពស់ ស្រុកបន្ទាយអំពិល ខេត្តឧត្តរមានជ័យ(ពុំមានរបួសទេ)បើកបររថយន្តម៉ាកសុាំយ៉ុង១៥កៅអី ពណ៍ស ពាក់ស្លាកលេខ២A.៤៣២២។ បន្ទាប់ពីកើតហេតុភ្លាមៗកម្លាំងនគរបាលជំនាញបានចុះដល់កន្លែងកើតហេតុ ហើយបានបញ្ជូនជនរងគ្រោះទៅមន្ទីរពេទ្យបង្អែកខេត្តឧត្តរមានជ័យ ចំណែកវត្ថុតាងត្រូវបានដកហូតទុកបណ្តោះអាសន្ននៅអធិការដ្ឋាននគរបាលស្រុករងចាំការដោះស្រាយគ្នាជាក្រោយ៕
