កំពង់ធំ៖ ព្រឹកថ្ងៃទី២២ ខែ មិថុនា ឆ្នាំ ២០១៦ សមត្ថកិច្ចជំនាញការិយាល័យប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្តកំពង់ធំ បានឃាត់ខ្លួនជនសង្ស័យប្រាំនាក់ពីបទចែកចាយនិងប្រើប្រាស់គ្រឿងញៀនតាមប្រភពព័ត៌
មានបានបញ្ជាក់ពី មុខសញ្ញាទាំងប្រាំមានឈ្មោះ ១.ណៃ បារាំង ភេទប្រុស អាយុ២៧ឆ្នាំ រស់នៅភូមិតារាមឃុំជីក្រែង ស្រុកជីក្រែងខេត្តសៀមរាប ជននេះធ្លាប់បានជាប់ពន្ធធនាគារខេត្តកំពង់ធំម្តងមានរយៈពេលពីរឆ្នាំពីបទជួញដូរគ្រឿងញៀន ២.ឈាន ឆៃ ភេទប្រុសអាយុ១៨ ឆ្នាំរស់នៅភូមិច្រាំងខ្ពស់ឃុំកំពង់ក្តី ស្រុកជីក្រែង ខេត្តសៀមរាប ៣.យិ សេងហុង ភេទប្រុស អាយុ២២ ឆ្នាំ រស់នៅភូមិស្វាយសរឃុំកំពង់ចិនត្បូង ស្រុកស្ទោង ខេត្តកំពង់ធំ ៤.ហ៊ុន សុខា ភេទប្រុស អាយុ២១ ឆ្នាំ រស់នៅភូមិស្វាយសរឃុំកំពង់ចិនត្បូង ស្រុកស្ទោង ខេត្តកំពង់ធំ ៥. អ៊ុច សុភា (ហៅវ៉ូ) ភេទប្រុសអាយុ២២ឆ្នាំ រស់នៅភូមិអូរដូង ឃុំម្សាក្រងស្រុកស្ទោង ខេត្តកំពង់ធំក្នុងការចុះប្រតិបត្តិការសមត្ថកិច្ចចាប់បានភស្តុតាងនូវថ្នាំញៀនពីរកញ្ចប់តូច និងម៉ូតូមួយគ្រឿង ។សមត្ថកិច្ចបានសាកសួរជនសង្ស័យចែកចាយនិងប្រើប្រាស់គ្រឿងញៀនចំនួនប្រាំនាក់
ដែលបានចាប់ខ្លួនកាលពីល្ងាចថ្ងៃទី២១ ខែមិថុនា ឆ្នាំ ២០១៦ នៅវេលា១៦និង១០នាទីត្រង់ចំណុចភោជនីដ្ឋានត្នោតជុំជំរំចិត្ត ស្ថិតក្នុងភូមិត្នោត ឃុំកំពង់ចិនជើង ស្រុកស្ទោង ខេត្តកំពង់ធំ សមត្ថកិច្ចបានកសាងសំណុំរឿងបញ្ជូនទៅតុលាការ ៕
