ខេត្តស្វាយរៀងៈ នៅវេលាម៉ោង២១ និង៣០នាទី ថ្ងៃទី២១ ខែមិថុនា ឆ្នាំ២០១៦នេះកម្លាំងមន្ទីយុត្តិធម៌កងរាជអាវុធហត្ថខេត្តស្វាយរៀងបានធ្វើការបង្ក្រាបទីតាំងមួយកន្លែងក្នុងសង្កាត់/ក្រុងបាវិតខេត្តស្វាយរៀងជាមុខសញ្ញារក្សាទុកនិងប្រើប្រាស់នូវសារធាតុញៀនដោយឃាត់ខ្លួនបានមនុស្សចំនួន ០៥នាក់។សមត្ថកិច្ចកងរាជអាវុធហត្ថបានឱ្យដឹងថា៖ជនសង្ស័យទាំងនោះមានឈ្មោះ១. អ៊ិត ណារិត ភេទប្រុស អាយុ៣៤ឆ្នាំមានមុខរបរបើកបររថយន្តសង្គ្រោះ មន្ទីរពេទ្យបង្អៃកជីភូ រស់នៅភូមិត្រពាំងត្រាច ឃុំស្វាយតាយានស្រុកកំពង់រោទី ខេត្តស្វាយរៀង ។០២. វី ភា ភេទស្រី អាយុ៣៧ឆ្នាំ មុខរបរ បកប្រែភាសាចិន នៅរោងចក្រGIFA ក្នុងតំបន់សេដ្ឋកិច្ចពិសេស មេនហាតធេន ក្រុងបាវិត ខេត្តស្វាយរៀងរស់នៅសង្កាត់ចាក់អង្រែក្រោម ខណ្ឌមានជ័យ ។៣. អ៊ុក ស៊ីនួន ភេទស្រី អាយុ២៥ឆ្នាំ មុខរបរ កម្មកររោងចក្រ មានទីលំនៅ ភូមិតាពៅ សង្កាត់បាវិត ក្រុងបាវិត ខេត្តស្វាយរៀង។០៤. ទេព ទិត្យ ភេទប្រុស អាយុ២៣ឆ្នាំ មុខរបរកម្មកររោងចក្រ រស់នៅភូមិតាពៅ សង្កាត់បាវិត ក្រុងបាវិត ខេត្ត ស្វាយរៀង។០៥. ឈុន សុខ ស៊ីភ័ណ្ឌ ភេទប្រុស អាយុ២៣ឆ្នាំ រស់នៅភូមិតាពៅ សង្កាតបាវិត ក្រុងបាវិត ខេត្តស្វាយរៀង ។កម្លាំងបានបន្តឱ្យដឹងទៀតថា កម្លាំងបានធ្វើការ ចាប់យកវត្ថុតាងមួយចំនួនរួមមាន៖០១. ម្សៅក្រាមរឹងពណ៌សថ្លា ចំនួន ០៦ កញ្ចប់ ដែលមានទម្ងន់ស្មើ ០.៦ក្រាម០២. ទូរស័ព្ទដៃចំនួន ០៣គ្រឿង និងឧបករណ៌ សម្រាប់ជក់គ្រឿងញៀនមួយចំនួន។ជនសង្ស័យ និងវត្ថុតាង ត្រូវកម្លាំងកងរាជអាវុធហត្ថខេត្តស្វាយរៀង កំពុងកសាងសំណុំរឿង ដើម្បីចាត់ការបន្តតាមនីតិវិធី៕
