ទីភ្នាក់ងារគ្រប់គ្រងគ្រោះថ្នាក់បន្ទាន់ តួកគីអះអាងថា សរុបមនុស្ស២៦៦នាក់បានត្រូវរបួស កាលពីថ្ងៃទី២៤ ឧសភា ដោយសារការរញ្ជួយដីកម្លាំង៦.៥រីស្ទ័រមួយនៅកោះ GOKCEADA ភាគខាងជើងតួកគីក្នុងសមុទ្រអេហ្សេ ។
ការរញ្ជួយដីនោះបណ្ដាលឱ្យមនុស្សភ្ញាក់ផ្អើលហើយ មនុស្សម្នាក់បានលោតទម្លាក់ខ្លួនពីយ៉ផ្ទះនៅស្រុក EDREMIT ក្រុង BALIKESIR ត្រូវរបួសជាទម្ងន់ ។
ក្រោយការរញ្ជួយដីនោះមក ក៏មានការញ័ររញ្ជួយ២០លើកទៀតក្នុងនោះមានការរញ្ជួយខ្លាំងមួយមាន កម្លាំង៥,៥រីស្ទ័រ ។ ទីភ្នាក់ងារគ្រប់គ្រងគ្រោះថ្នាក់បន្ទាន់តួកគីបញ្ជាក់ថា ការរញ្ជួយដីនោះធ្វើឱ្យមានការញ័ររង្គើរហូតដល់ភាគខាងលិចនិងភាគ ពាយ័ព្យតួកគី ៕
