ស្រុកព្រៃនប់៖ កាលពីវេលាម៉ោង១២និង២០នាទី ថ្ងៃទី២៩មិថុនា២០១៦នេះ មានគ្រោះ ថ្នាក់ចរាចរណ៍មួយកើតឡើងលើ ផ្លូវជាតិលេខ4 ម្តុំភូមិវាលមាសឃុំវាលរេញ ស្រុកព្រៃនប់ រវាងម៉ូតូមួយគ្រឿង ម៉ាកCVR ពណ៌ក្រហមលាយ ស ពាក់ស្លាកភ្នំពេញ1B 0968ទិសដៅពីក្រុងព្រះសីហនុទៅភ្នំពេញបើកបរដោយឈ្មោះម៉នយឿន ភេទប្រុសអាយុ30ឆ្នាំ មុខរបរជាងសំណង់ បេីកទៅបុកប៉ះជាមួយបុរសចំណាស់អ្នកកង់ម្នាក់ ដែលកំពុងជិះឆ្លងផ្លូវពីលិចទៅកើត ឈ្មោះអ៊ុក នន់ អាយុ80ឆ្នាំ ជាគ្រូបង្រៀនចូលនិវត្តន៌ ទីលំនៅចំនុចកើតហេតុ បណ្តាលឲ្យបុរសចំណាស់អ្នកជិះកង់នោះរបួសធ្ងន់ បញ្ជូនទៅព្យាបាលនៅគ្លីនិកឯកជនវាលរេញ។ចំណែកអ្នកបេីកម៉ូតូរបួសស្រាល និងត្រូវកំលាំង នគរបាល ឃាត់ខ្លួន ដេីម្បីដោះស្រាយតាមផ្លូវច្បាប់៕
