មណ្ឌលគិរី ៖ សម្ថកិច្ចបានធ្វើការឃាត់ខ្លួនពីរនាក់ប្ដីប្រពន្ធហើយបន្ទាប់ពីមានការស្រាវជ្រាវឃើញថា ជាប់ពាក់ព័ន្ធទៅនិងការញុះញួង ក្រុមប្រជាពលរដ្ឋអោយធ្វើប៉ាតុកម្មជាមួយក្រុមហ៊ុនប៉ាស៊ីហ្វិចស្ថិតក្នុងស្រុកកោះញែកនិងជាមេក្លោងជាប់ពាក់ព័ន្ធការប្រមូលគៀងគប្រជាពលរដ្ឋមកពីបណ្ដាលខេត្តផ្សេងៗជាថ្នូលុយកាក់ក្នុងការអោយពលរដ្ឋទាំនោះមកសង់លំនៅឋានក្នុងដីសប្បទានសេដ្ឋកិច្ចរបស់ក្រុមហ៊ុន។
ប្រតិបត្តិការនេះបានធ្វើឡើងនៅថ្ងៃទី ២៦ ខែឧសភាឆ្នាំ២០១៤ ពីសំណាក់កងនគបាលនៃស្នងការដ្ឋាននគបាលខេត្តដឹកនាំដោយលោក ជា សុវណ្ណថេត ព្រះរាជអាជ្ញារងអមសាលាដំបូងខេត្តមណ្ឌលគិរី។ ការតវ៉ានិងធ្វើប៉ាតុកម្មដ៏រាំរ៉ៃរបស់ប្រជាពលរដ្ឋនៅក្រុមហ៊ុនខាងលើនោះតាំងតែពីឆ្នាំ២០១២មកម្ល៉េះពេលនោះអាជ្ញាធ័រខេត្ត ស្រុករួមជាមួយក្រុមហ៊ុនបានធ្វើការសំរ៉បសំរួលដោះស្រាយបញ្ចប់វិវាទនោះអស់ហើយកាលពីឆ្នាំ២០១២។
លោក មើល សឿន អភិបាលស្រុកកោះញែកបានអោយដិងថាកាលពីក្រហ៊ុនវិនិយោគមិនទាន់មកធ្វើការអភិវឌ្ឈន៍នៅទីនះគឺនៅដីព្រៃរបស់រដ្ឋពំមានពលរដ្ឋណាទៅរស់នៅទីនោះទេ ប៉ុន្តែនៅពេលមានក្រុមហ៊ុនចូលមកឈូកឆាយផ្លូវពេលនោះស្រាបតែចាប់ផ្ដើមមកពីគ្រប់បណ្ដារខេត្តផ្សេងៗនាំគ្នាចាប់យកដីព្រៃធ្វើកម្មសិទ្ធ។
លោកអភិបាលស្រុកបានបញ្ជាក់យ៉ាងច្បាស់ថា ទីនោះគឺជាដីព្រៃរបស់រដ្ឋតែម្តងឃើញសកម្មភាពរបស់ពួកគាត់មានភាពអនាធិបតេយ្យច្រើនពេកអាជ្ញាធ័របានធ្វើការពន្យល់និងដោះស្រាយបានចប់សព្វគ្រប់កាលពីឆ្នាំ២០១២។ប៉ុន្តែនៅខែ ឧសភា ឆ្នាំ២០១៤នេះក្នុងចន្លោះថ្ងៃទី ២០ដល់ទី ២៦ ខែឧសភា ឆ្នាំ២០១៤ នេះស្រាប់តែមានការញុះញង់ជាថ្មីម្ដងទៀតរហូតដល់ម៉ោង១២និង៣០នាទីថ្ងៃត្រង់ថ្ងៃនេះ ការជួបជុំរបស់ប្រជាពលរដ្ឋប្រហែល ១០០ នាក់ប៉ុណ្ណោះ។
តាមប្រភពពត៍មានដែលយើងទទួលបានពីពលរដ្ឋមួយចំនួនដែលចាញ់បោកមេខ្លោងនោះក្នុងមួយគ្រួសារៗត្រូវចំណាយប្រាក់ចាប់ពី ៥០០ដុល្លាដល់១៥០០ដុល្លា ដោយមេខ្លោងពីរនាក់ប្ដីនិងប្រពន្ធសន្យាអោយដីចាប់ពីរ១០០ម៉ែត្រ ទៅ៥០០ម៉ែត្រ ទៅតាមប្រាក់ច្រើននិង តិច។
ពត៍មានចុងក្រោយដែលយើងទទួលបានពីនាក់ប្ដីប្រពន្ធដែលសម្ថកិច្ចឃាត់ខ្លួននោះត្រូវបានអញ្ជើញអោយឡើងរថយន្តបញ្ជូនមកកាន់ខេត្តមណ្ឌលគិរីដើម្បីសួនាំនិងចាត់ទៅតាមផ្លូវច្បាប់។ ពុំទាន់មានសេចក្ដីរាយការណ៍ណាមួយប្រាប់អោយដិងពីអត្តសញ្ញាណនិងឈ្មោះពីរនាក់ប្ដីប្រពន្ធនោះនៅឡើយទេ៕
