ប៉ោយប៉ែត ៖ នាព្រឹកថ្ងៃទី២៦ខែឧសភាឆ្នាំ២០១៤ឯកឧត្តម ឌុច សុន អគ្គនាយនៃអគ្គនាយកដ្ឋានរដ្ឋបាលមូលដ្ឋានក្រសួងមហាផ្ទៃរួមជាមួយមន្ត្រីអាជ្ញាធរថ្នាក់មូលដ្ឋានជាច្រើនរូបទៀតក្នុងការចុះពិនិត្យការដ្ឋានរបស់ក្រុមហ៊ុនកាស៊ីណូ ហូលីដេប៉ោយប៉ែត ។
បន្ទាប់ពីក្រុមហ៊ុនមួយនេះបានសាងសង់អាគាររបស់ខ្លួនប៉ះពាល់ដីរដ្ឋ ហើយជាមួយគ្នានេះដែរ សំណង់អាគារដែលជាចំណងដៃ របស់ធានាគារអភិវឌ្ឍន៏អាស៊ី ក៏ត្រូវបានក្រុមហ៊ុនកាស៊ីណូហូលីដេខាងលើបុកគ្រឹះប៉ះចំផ្នែកនៃជណ្តើរបង្កឲ្យខូចខាតយ៉ាងដំណំបញ្ហានេះមិនត្រូវបានមន្ត្រីថ្នាក់ក្រោមជាតិមានប្រតិកម្មអ្វីឡើយ ។ បន្ទាប់ពីឯកឧត្តម ឌុច សុន បានបើកប្លងគោលគឺឃើញថា៖
ភាគីខាងក្រុមហ៊ុនពិតជាបានរំលោភចូលជ្រៅមកលើដីរដ្ឋជាមួយគ្នានេះដែរ ឯកឧត្តមបានព្រមាន លោក ឧកញ៉ា ហង្ស ស៊ីផា ដែលជាភាគីតំណាងឲ្យក្រុមហ៊ុនកាស៊ីណូហូលីដេ ថា ពិតជាថ្លើមពាស់មេឃហានលូកដៃវាយបំផ្លាញទ្រព្យសម្បត្តិរបស់រដ្ឋបញ្ហានេះនឹងមានទោសទណ្ឌផងដែរបើពិនិត្យលើដំណើររឿង ។ យ៉ាងណាក៏ដោយ បើទោះបីជាកំដៅបានដុតឲ្យរោលម្តេចក្តីសម្រាប់ លោក ឧកញ៉ា ហង្ស ស៊ីផា ហាក់មិនព្រឺព្រួចសូម្បីតែរោមជើងនោះទេព្រោះលោក ឧកញ៉ាម្នាក់នេះក៏ធ្លាប់មានរឿងចំរោងចំរាស់មិនតិចដែរពាក់ពន្ធ័បញ្ហាដីធ្លីនាពេលកន្លងមកនៅក្នុងខេត្តបន្ទាយមានជ័យនេះ។
ជាថ្មីម្តងទៀតឯកឧត្តមបានសុំឲ្យភាគីខាងក្រុមហ៊ុនកាស៊ីណូផ្អាកការសាងសង់សំណង់ចំណុចដែលក្រុមហ៊ុនបានរំលោភចូលលើដីរដ្ឋផងដែរ ។ពាក់ពន្ធ័និងការគំរាមពីឯកឧត្តម ឌុច សុន ចំពោះ លោក ហង្ស ស៊ីផា មិនហ៊ានហើបមុខចំពោះមហាជនឡើយជាងនេះទៅទៀត លោកឧកញ៉ា បានត្រឹមតែធើ្វភ្នែកម៉ក់ៗដូចសុនខន៏ទល័ច្រកយ៉ាងដូច្នោះដែរព្រោះខ្លួនមានកំហុសធ្ងន់ធ្ងរករណីបំផ្លាញអាគាររបស់រដ្ឋ ។
បន្ទាប់ព្រមានលោក ឧកញ៉ា ហង្ស ស៊ីផា រួចមកក្រុមការងារបានចុះពិនិត្យដីនៅខាងកើតប្រាសាទកំពូលបី ដែលសព្វថ្ងៃនេះត្រូវបានលោក ឧកញ៉ា កុកអាន ប្រធានក្រុមហ៊ុន កាស៊ីណូ ហ្គោលឌិនក្រោនកំពុងតែអាស្រ័យផលលើនោះយ៉ាងត្រជាក់មេជើង ប៉ុន្តែភាគីតំណាងរដ្ឋាភិបាលបានសម្រេចថា នឹងកសាងអគារប៉ុស្តិ៍រដ្ឋបាលថ្មីបន្ថែមទៀតនៅច្រកទ្វារអន្តរជាតិនេះ ចំណែកសំណង់អាគារចាស់ៗដែលនៅជិតនិងរង្វង់មូលនោះនឹងត្រូវរុះរើចេញទាំងអស់ ។
គេសង្ឃឹមថា៖បន្ទាប់ពីបានអាគារថ្មីបន្ថែមនៅច្រកទ្វារអន្តរជាតិមួយនេះនឹងមានសោភ័ណភាពល្អប្រសើជាងមុនហើយកម្លាំងសមត្ថកិច្ចនគរបាលអន្តោប្រវេសន៏ខាងកម្ពុជាក៏អាចបង្កើនសន្តិសុខជាតិបានខ្ពស់ជូនភ្ញៀវជាតិនិងអន្តរជាតិផងដែរ ។ 
