ខេត្តកំពត ៖ នៅថ្ងៃទី០៦ ខែកក្កដា ឆ្នាំ២០១៦ វេលាម៉ោង០៣រសៀល ក្រុមការងារមូលនិធិមិត្តកំពង់ត្រាច សហការជាមួយអាជ្ញាធរភូមិរបងក្រាស់ និងភូមិកោះតាចាន់ ឃុំកំពង់ត្រាចខាងកើត ស្រុកកំពង់ត្រាច ខេត្តកំពត បានទៅសួរសុខទុក្ខ និងនាំយកអំណោយទៅប្រគល់ជូនគ្រួសារប្រជាពលរដ្ឋក្រីក្រ ចំនួន ០២គ្រួសារ ក្នុងនោះ ៖
១-គ្រួសារ លោក អែម គន អាយុ៤៩ឆ្នាំ មានជំងឺប្រចាំកាយទាំងប្តី-ប្រពន្ធ ជាគ្រួសារក្រីក្រប្រភេទទី១ មានកូនតូចចំនួនពីរនាក់ នៅភូមិរបងក្រាស់ ។
២-គ្រួសារលោកយាយ ព្រំ អ៊ាង អាយុ៥៨ឆ្នាំ មានសមាជិកក្នុងបន្ទុកគ្រួសារ០៥នាក់ ជាគ្រួសារក្រីក្រប្រភេទទី១ នៅភូមិកោះតាចាន់ ។
គ្រួសារនីមួយៗទទួលបាន អង្ករ០១បាវ ទម្ងន់ ៥០គីឡូក្រាម ត្រីប្រៃសាំប៉ាន់០១គីឡូ ជាអំណោយរបស់ មូលនិធិមិត្តកំពង់ត្រាច ព្រមទាំងទឹកត្រី១យួរ ទឹកសីុអីុវ១យួរ និងថវិកាចំនួន៥មឺុនរៀល ជាអំណោយរបស់អាជ្ញាធរមូលដ្ឋានឃុំកំពង់ត្រាចខាងកើត ។
សូមថ្លែងអំណរគុណយ៉ាងជ្រាលជ្រៅចំពោះសប្បុរសជនដែលបានបរិច្ចាគថវិកា តាមរយៈមូលនិធិមិត្តកំពង់ត្រាច ។ នេះបង្ហាញពីស្មារតីសាមគ្គីភាព ដើម្បីចូលរួមក្នុងកិច្ចការមនុស្សធម៌និងការអភិវឌ្ឍ ក្នុងមូលដ្ឋានស្រុកកំពង់ត្រាចយើងទាំងអស់គ្នា ។ សូមគោរពជូនពរមានសុខភាពល្អ និងជោគជ័យគ្រប់ភារកិច្ច ។
