ដោយ ខេង ឧត្តម
សៀមរាប៖ ក្រុមយុវជនបួននាក់ត្រូវកម្លាំងកងរាជអាវុធហត្ថខេត្តសៀមរាប ធ្វើការចាប់ឃាត់ខ្លួន ដោយក្នុងនោះ យុវជនបីនាក់ជាអ្នកជំនាញកាច់សោរកម៉ូតូ ហើយនិងម្នាក់ទៀតពាក់ព័ន្ធគ្រឿងញៀន។
ប្រធានមន្ទីរស្រាវជ្រាវយុត្តិធម៌នៃកងរាជអាវុធហត្ថខេត្តសៀមរាប លោកវរសេនីយ៍ទោ ថា ដាលុច បានឲ្យដឹងថា កាលពីវេលាម៉ោង២២និង១០នាទីយប់ថ្ងៃទី០៩ខែកក្កដាឆ្នាំ២០១៦ បន្ទាប់ពីមានព័ត៌មានច្បាស់ការរួចមក លោកបានដឹកនាំកម្លាំងការិយាល័យបទល្មើសព្រហ្មទណ្ឌនិងការិយាល័យបទល្មើសគ្រឿងញៀន ចុះស៊ើបអង្កតទៅលើករណីខាងលើស្ថិតនៅចំនុចក្រោយវត្តគោកចក ក្នុងភូមិវាល សង្កាត់គោកចក ក្រុង/ខេត្តសៀមរាប រហូតឈានដល់ធ្វើការឃាត់ខ្លួនបានជនសង្ស័យចំនួន៤នាក់និងវត្ថុតាងមួយចំនួន រួចបញ្ជូនមកកាន់ទីបញ្ជាការដ្ឋានកងរាជអាវុធហត្ថខេត្ត ដើម្បីសួរនាំ។
លោកបន្តថា ជនសង្ស័យទាំង៤នាក់មាន ទី១/ឈ្មោះ លៀន សុធី ភេទប្រុសអាយុ២៩ឆ្នាំមុខរបរធ្វើស្រែ មានទីលំនៅភូមិជ្រួយ ឃុំជ្រួយ ស្រុកស្រីស្នំ ខេត្តសៀមរាប(កាច់សោ.ករ.ម៉ូតូ) ទី២/ឈ្មោះ អ៊ន កែវ ភេទប្រុសអាយុ២២ឆ្នាំមុខរបរសំណង់ រស់នៅភូមិមណ្ឌល៣ សង្កាត់ស្លក្រាម ក្រុងសៀមរាប(កាច់សោ.ករ.ម៉ូតូ) ទី៣/ឈ្មោះ ញ៉ែម រក្សាស័ក្ក ភេទប្រុសអាយុ២៤ឆ្នាំមុខរបរកសិករមានទីលំនៅភូមិមណ្ឌល៣ សង្កាត់ស្លក្រាម ក្រុងសៀមរាប(កាច់សោ.ករ.ម៉ូតូ) ទី៤/ឈ្មោះ ឡេង ចំណាន ភេទប្រុសអាយុ២៥ឆ្នាំមុខរបរកសិករ រស់នៅភូមិកក្រាញ់ សង្កាត់សៀមរាប ក្រុងសៀមរាប(ជួញដូរ)។ក្រោយពីធ្វើការឃាត់ខ្លួនកម្លាំងជំនាញបានដកហូតវត្ថុតាងពីជនសង្ស័យរួមមាន៖ ម៉ូតូចំនួន៣គ្រឿង ,ជារបស់ជនសង្ស័យ៣នាក់ខាង.កាច់សោ.ករ.ម៉ូតូ ក្នុងនោះមាន( ម៉ូតូម៉ាកហុងដាឌ្រីមសេ១២៥ ពណ៌ខ្មៅស៊េរីឆ្នាំ២០១០មួយគ្រឿង លេខតួ លេខម៉ាស៊ីន៤៨៣២៦៨៤ គ្មានស្លាកលេខ, ម៉ូតូម៉ាកហុងដាឌ្រីមសេ១២៥ ពណ៌ខ្មៅស៊េរីឆ្នាំ២០១៣ មួយគ្រឿង លេខតួ លេខម៉ាស៊ីន ៨៦៣៨៣៩៨ គ្មានស្លាកលេខ, ម៉ូតូម៉ាកស្មាសវី ពណ៌ខ្មៅ ស៊េរី២០១២ លេខតួ លេខម៉ាស៊ីន ១១៨៣៦៦ ពាក់ស្លាកលេខ១E.)និងម៉ូតូចំនួន២គ្រឿងទៀត ជារបស់ជនសង្ស័យជួញដូរគ្រឿងញៀន,ដែកកាច់សោរអក្សរតេ ចំនួន២,តូរ៉ឺវីសចំនួន២,ដាវស៊ាំម៉ូរ៉ៃចំនួន៣ដើម,កាំបិតចំនួន៣ដើម,ពូថៅចំនួន១ដើម,ញញួរចំនួន១,និងម្ស៉ៅក្រើមពណ៌សថ្លា(ម៉ាទឹកកក)ចំនួន១កញ្ចប់តូច។
លោកថា ដាលុច បញ្ជាក់ថា បច្ចុប្បន្នជនសង្ស័យចំនួន៤នាក់និងវត្ថុតាង ត្រូវបានកម្លាំងជំនាញរៀបចំសំណុំរឿងបញ្ជូនទៅតុលាការនៅរសៀលថ្ងៃទី១០ខែកក្កដាឆ្នាំ២០១៦ ដើម្បីផ្តន្ទាទោសទៅតាមផ្លូវច្បាប់៕
