ឧត្តរមានជ័យ៖ នៅវេលាម៉ោង៨និង៤៥នាទីយប់ ថ្ងៃទី១៣ ខែកក្កដា ឆ្នាំ២០១៦ មានករណី គ្រោះថ្នាក់ចរាចរណ៍បង្ករដោយខ្លួនឯង នៅតាមបណ្តោយផ្លូវជាតិលេខ៦៨ ស្ថិតនៅក្នុងភូមិអូរពក សង្កាត់កូនគ្រៀល ក្រុងសំរោង ខេត្តឧត្តរមានជ័យ។អ្នកបើកបរដោយឈ្មោះ ស្រី នាង ភេទប្រុស អាយុ៤០ឆ្នាំ រស់នៅរាជធានីភ្នំពេញ បានបើករថយន្តម៉ាកហុីយ៉ាន់ដាយ ពណ៌ក្រហម ពាក់ស្លាកលេខ ភ្នំពេញ៣B-៦៩៨៤ ជាប្រភេទដឹកអ្នកដំណើរ ចំណុះ៤៥កៅអី ទិសដៅពីជើង ទៅត្បូង លុះមកដល់ចំណុចកើតហេតុខាងលើ រថយន្តបានគេចពីម៉ូតូ ១គ្រឿងកំពុងបើកខាងមុខ ក៏វេចង្កូតជ្រុលធ្លាក់ប្រឡាយទឹកតែម្តង។សមត្ថកិច្ចប៉ូលិស បានអោយដឹងថា ករណីនេះ មិនបង្ករឲ្យមានរបួសដល់មនុស្សទេ(បើកបរម្នាក់ឯង)
