ដោយ ខេង ឧត្តម
សៀមរាប៖ ឯកឧត្តម បណ្ឌិត ឃឹម ប៊ុនសុង អភិបាលនៃគណៈអភិបាលខេត្តសៀមរាប និងលោកជំទាវ ព្រម ឯកឧត្តម នូ ផល្លា ប្រធានក្រុមប្រឹក្សាខេត្ត និងលោកជំទាវ បាននាំយកទៀនវស្សា បច្ច័យ និងទេយ្យវត្ថុ ទៅប្រគេនព្រះសង្ឃដែលគង់ចាំព្រះវស្សា នៅព្រះអង្គចេក
ព្រះអង្គចម និងវត្តរាជបូព៌ ដើម្បីឧទ្ទិសកុសលផលបុណ្យដល់បុព្វការីជន សាច់សាលោហិត កម្មាភិបាល យុទ្ធជន យុទ្ធនារី ដែលបានពលី មរណៈ ក្នុងបុព្វហេតុជាតិមាតុភូមិ ក្នុងការអភិវឌ្ឍន៍ប្រទេស ឲ្យមានការរីកចម្រើន ដែលបានចែកឋានទៅកាន់ លោកខាងមុ នាព្រឹកថ្ងៃទី១៧ ខែកក្កដា ឆ្នាំ២០១៦។
ឯកឧត្តមនិងលោកជំទាវ គួយ ណាលីន បាននាំទៀនវស្សា គ្រឿងបរិក្ខារ ទេយ្យទាន បច្ច័យទៅប្រគេនព្រះសង្ឃ ព្រះចៅអធិការវត្តរាជបូណ៌ និង អាចារ្យ គណកម្មការ ពុទ្ធបរិស័ទនិងមន្ត្រីអាជ្ញាធរមូលដ្ឋានបានទទួលផងដែ ប្រគេនបច្ច័យព្រះសង្ឃ សម្រាប់កសាងវត្ត ដើម្បីទ្រទ្រង់ លើកកម្ពស់ព្រះពុទ្ធសាសនានិងចែករំលែកការអភិវឌ្ឍន៍សង្គម៕ 
