កំពង់ស្ពឺ ៖ បុរសម្នាក់បានស្លាប់ភ្លាមៗ និង៣នាក់ឪពុកកូន របួសធ្ងន់ និងស្រាល ក្នុងឧបទ្ទវហេតុគ្រោះថ្នាក់ចរាចរណ៍ រវាងម៉ូតូ និងម៉ូតូបុកគ្នាពេញមួយទំហឹង ។ ហេតុការណ៍ គ្រោះថ្នាក់ចរាចរណ៍ខាងលើ បានកើតមានឡើង កាលពីវេលាម៉ោង ១៩ និង១៨នាទីយប់ថ្ងៃទី ១៧ ខែ
កក្តដា ឆ្នាំ២០១៦ ស្ថិតលើផ្លូវក្រាលស៊ូ ចំណុច ភូមិខ្នងក្រាំង ឃុំតាំងសំរោង ស្រុកភ្នំស្រួច ខេត្តកំពង់ស្ពឺ ។លោកពៅ នឿន អធិការរងនគរបាលស្រុកភ្នំស្រួច បានប្រាប់ឱ្យដឹងថា គ្រោះថ្នាក់ចរាចរណ៍ នេះបង្ករឡើងដោយម៉ូតូ និងម៉ូតូបើកបរក្នុងទិសដៅបញ្ច្រាសគ្នា ម៉ូតូទី១-ម៉ាកវ៉េវ -ពណ៌ក្រហម-ពាក់ស្លាកលេខ-កំពង់ស្ពឺ-1A-0625-អ្នកបើក បរមានឈ្មោះ-ហ៊ឹម ចាន់ថន-ភេទ ប្រុស-អាយុ 25ឆ្នាំ នៅភូមិអន្លង់ខ្លឹង ឃុំមហាសាំង ស្រុកភ្នំស្រួច ខេត្តកំពង់ស្ពឺ បណ្តាលឲ្យស្លាប់ នៅនឹងកន្លែងកើតហេតុ ។ ម៉ូតូទី២-ម៉ាកវីវ៉ា ពណ៌ក្រហម គ្មានស្លាកលេខមកពីទិសខាងកើតទៅលិចបញ្ច្រាស់ទិសគ្នាបើកបរដោយឈ្មោះឈឹម សារ៉ន ភេទប្រុសអាយុ 50ឆ្នាំ នៅភូមិព្រៃធំ ឃុំរស្មី សាមគ្គី ស្រុកឱរ៉ាល់ រងរបួសធ្ងន់ និងអ្នកជិះពីក្រោយមួយឈ្មោះ-ឈួន ដារា ភេទប្រុស អាយុ 08ឆ្នាំ នៅភូមិព្រៃធំរងធ្ងន់ ឈ្មោះឈឹម ចាន់រី-ភេទស្រី អាយុ 20ឆ្នាំ របួសស្រាល ត្រូវបានបញ្ជូនភ្លាមៗនៅមន្ទីរពេទ្យ ។
សមត្ថកិច្ចប្រាប់ថា មុនពេលកើតហេតុម៉ូតូទាំង ២គ្រឿងធ្វើដំណើរតាមផ្លូវក្រាលកៅស៊ូក្នុងល្បឿនលឿនហើយមេឃងងឹតរកភ្លៀងផងនោះ បានបុកគ្នាពេញមួយទំហឹងបណ្តាលឱ្យស្លាប់ម្នាក់នៅកន្លែង និង៣នាក់ឪពុកកូនរងរបួសធ្ងន់ ត្រូវបានបញ្ជូនសង្គ្រោះក្នុងមន្ទីរពេទ្យ ខេត្ត កំពង់ស្ពឺ ។ សមត្ថកិច្ចបញ្ជាក់ថា ជារៀងរាល់ថ្ងៃកំលាំងនគរបាលចរាចរណ៍ចុះអប់រំអំពីផលប៉ះពាល់ នៃគ្រោះថ្នាក់ចរាចរណ៍ និងត្រូវយល់ដឹងពីច្បាប់ចរាចរណ៍ដើម្បីការពារអាយុជីវិតខ្លួនយើង ព្រមទាំងអ្នកដ៍ទៃផងដែរ បច្ចុប្បន្នវត្ថុតាងត្រូវបានសមត្ថកិច្ចយកទៅរក្សាទុក្ខដើម្បីកសាងសំណុំរឿងរងចាំដោះស្រាយគ្នាតាមច្បាប់ ៕
