ខេត្តព្រះសីហនុ៖បុរសតៃកុងរថយន្តម្នាក់ត្រូវទ្រុងរថយន្តបែនធ្លាក់សង្កត់កស្លាប់យ៉ាងអាណោចអាធ័មបំផុតក្នុងខណៈពេលដែលជនរងគ្រោះបានបែនទ្រុងរថយន្តឡើងលើហើយដើរទៅឈរឈ្ងោកមើលចៃដន្តទ្រុងរថយន្តរអិលធ្លាក់គៀបស្លាប់ភ្លាមៗនៅកន្លែងកើតហេតុ។
ហេតុការណ៌នេះបានកើតមានឡើងនៅម៉ោងប្រមាណ20និង00នាទីថ្ងៃទី19ខែកក្កដាឆ្នាំ2016 ស្ថិតនៅចំនុចកោះថ្មី(ក្រុមហ៊ុន យិជៀ)ស្ថិតក្នុងភូមិកោះខ្យងឃុំអូរជ្រៅស្រុកព្រៃនប់ខេត្តព្រះសីហនុ ។សមត្ថកិច្ចបានសន្និដ្ឋានថាករណីនេះបណ្តាមកពីការ ធ្វេសប្រហែសរបស់ជនរងគ្រោះ។សមត្ថកិច្ចបានឲ្យដឹងទៀតថាជនរងគ្រោះឈ្មោះឆាន វណ្ណឆាយ ភេទប្រុសអាយុ24ឆ្នាំមុខរបរបើកបរ មានទីលំនៅភូមិ/ឃុំអូរឧកញ៉ាហេង ស្រុកព្រៃនប់ខេត្តព្រះសីហនុ។ សមត្ថកិច្ចបានឲ្យដឹងទៀតថា រថយន្តបង្ករម៉ាក ម៉ុងហ្គោ ពណ៌ទឹកប៊ិចពាក់ស្លាកលេខ ព្រះសីហនុ3A 0422។ បច្ចប្បន្នសាកសពត្រូវបានសាច់ញាតិយកមកធ្វើបុណ្យតាមប្រពៃណី៕
