សៀមរាប៖ នៅថ្ងៃទី២៦ខែឧសភាឆ្នាំ២០១៤វេលាម៉ោង៧ព្រឹកប្រជាពលរដ្ឋនៅក្នុងភូមិស្ពានក្មេង ឃុំតាសៀម ស្រុកស្វាយលើខេត្តសៀមរាប បានទូរស័ព្ទប្រាប់អ្នកសារពត៌យើងឲ្យទៅជួយមើលនិងថតសកម្មភាពក្រុមឈ្មោះមេភូមិជាសំអាតដែលកំពុងតែកាត់ព្រៃ និង រំលោភយកដីពីប្រជាពលរដ្ឋនៅក្នុងភូមិលក់ឲ្យឈ្មួញ ។
យោងតាម ប្រភពប្រជាពលរដ្ឋ បានឲ្យដឹងថា លោក ជា សំអាត កំពុងតែលបលួច តែងតាំងខ្លួនឯងជាមេភូមិ និងបានអួតអាងថាខ្លួនជាមេភូមិ ហើយបានដឹកនាំ តួនារីនេះ បែងចែកដីរបស់រដ្ឋ ជូនប្រជាពលរដ្ឋ ដោយគ្មានការទទួលស្គាល់ពី ថ្នាក់ ដឹកនាំ ឬអាជ្ញាធរ ព្រមទាំងបានបញ្ជាក់ថា ពីលោក អភិបាលស្រកស្វាយលើ ថាពិតជាមិនបានតែងតាំង លោក ជា សំអាត ជាមេភូមិនោះទេ ហើយក៏មិនបណ្តោយឲ្យមានការ ធ្វើព្យុះភ្លៀងទៀតទេ។
.នៅថ្ងៃ ខែ ឆ្នាំដ៏ដែលវេលាម៉ោង៣រសៀលអ្នកសារពត៌មានយើងបានទៅដល់កន្លែងកើតហេតុខាងលើហើយក៏បានជួបសំភាសជាមួយភាគីទាំងសងខាង ស្រាប់តែប្រពន្ធជាសំអាតបានជេប្រមាដមើលងាយអ្នកសារពត៌មានយើងយ៉ាងខ្លាំងៗ ព្រមទាំងឈានចូលមកវាយអ្នកសារពត៌មានយើងត្រូវពីរដំបងបណ្តាលឲ្យរងរបួសដៃទាំងសងខាង ។ . ឃើញសកម្មភាពខាងលើនេះប្រជាពលរដ្ឋបាននាំគ្នាជួយការពារអ្នកសារពត៌មានយើងនាំចេញឲ្យផុតពីកន្លែងគ្រោះថ្នាក់បានដោយសុវត្ថិភាព ។ .
សកម្មភាពនៅក្នុងតំបន់នេះកើតមានតាំងពីយូយារណាស់មកហើយ តំបន់នេះជាតំបន់ព្រំប្រទល់រវាងខេត្តសៀមរាប និង ខេត្តព្រះវិហារ ។ តាមប្រភពពត៌មានពីប្រជាពលរដ្ឋនៅក្នុងភូមិ ឃុំខាងលើជាច្រើនអ្នកបានឲ្យដឹងថា៖ ទង្វើរមេភូមិជាសំអាតនិងក្រុមបក្សពួករបស់គេ ប្រជាពលរដ្ឋបានដាក់ពាក្សបណ្តឹងទៅអាជ្ញាធរ ឃុំតាសៀមនិងអាជ្ញាធរស្រុកស្វាយលើ
ខេត្តសៀមរាប ព្រមទាំងបានរាយការផ្ទាល់ទៅលោកមេឃុំស្រយ៉ង់ស្រុកគូលេនខេត្តព្រះវិហារជាច្រើនដងមកហើយតែពុំទាន់ឃើញអាជ្ញាធរឬសមត្ថកិច្ចខាងណាមកជួយដោះស្រាយជូនប្រជាពលរដ្ឋម្តងឡើយ នេះប្រហែលជាអាជ្ញាធរ ឬ សមត្ថកិច្ចទាំងសងខាងត្រូវថ្នាំសណ្តំរបស់ក្រុមបក្សពួកមេភូមិជាសំអាតទើបទៅដោះស្រាយពុំរួច ។
សកម្មភាពកាប់ទន្ទ្រានព្រៃ និង រំលោភយកដីពីប្រជាពលរដ្ឋលក់ឲ្យឈ្មួញនៅក្នុងភូមិស្ពានក្មង ឃុំតាសៀម ស្រុកស្វយលើខេត្តសៀមរាបនេះ ពត៌មានខេមរាយើងបានចុះផ្សាយពីរដងរួចមកហើយ ថ្មីៗនេះកាលពីថ្ងៃទី២២ ខែឧសភាឆ្នាំ២០១៤ពត៌មានខេមរាយើងក៏បានផ្សាយម្តងទៀត តែពុំឃើញមានអាជ្ញាធរថ្នាក់ណាចុះទៅជួយដោះស្រាយឲ្យប្រជាពលរដ្ឋនោះឡើយ ។
សំណូមពរពីប្រជាពលរដ្ឋនៅក្នុងភូមិ ឃុំ ខាងលើ សុំឲ្យអាជា្ញធរគ្រប់លំដាប់ថ្នាក់ជួយប្រជាពលរដ្ឋផង ព្រោះឥឡូវនេះមេភូមិជា សំអាតនិងក្រុមបក្សពួករបស់គេកំពុងតែរំលោភយកដីពីប្រជាពលរដ្ឋក្នុងភូមិលក់ឲ្យឈ្មួញឥឡូវនេះ ប្រជាពលរដ្ឋគ្មានដីធ្វើស្រែទេ ។ (ដោយ ឡាន់ សុចិត្ត) 
