ខេត្តកំពត: នៅព្រឹកថ្ងៃទី២១ ខែកក្កដាឆ្នាំ២០១៦ ក្រោមកិច្ចចូលរួមរៀបចំដោយខណ្ឌរដ្ឋបាលព្រៃឈើកំពតបាន ប្រារព្ធពិធីបុណ្យរុក្ខទិវា ៩កក្កដា ២០១៦ ក្រោមការចូលរួមពីឯកឧត្ដម ចាន់-ចេស្តាអភិបាលខេត្ត។ ពិធីនេះបានប្រព្រឹត្តទៅ ក៏មានការចូលរួម ពី ឯកឧត្ដម លោក ជំទាវ ជា សមាជិកក្រុមប្រឹក្សា និងគណៈអភិបាល ខេត្ត លោក -លោកស្រី ថ្នាក់ដឹកនាំ មន្ទីរ អង្គភាព មន្ត្រីរាជការ កងកំលាំងប្រដាប់អាវុធទាំងបីប្រភេទក្នុងខេត្ត អាជ្ញាធរដែនដី ប្រជាពលរដ្ឋ សិស្សនិស្សិតនិងព្រះសង្ឃ ផងដែរ។ ក្នុងឱកាសនោះ រដ្ឋបាលព្រៃឈើកំពត ក៏បានយកប្រភេទកូនឈើស្ងាវ លឿងរាជ អាកាស្យា រួមប្រភេទកូនឈើផ្សេងៗមួយចំនួនទៀត ដាំនៅតាមដងផ្លូវ លេខ៧៣៥ ពីខាងត្បូងសាលាខេត្តកំពត រហូតដល់ ផ្លូវបំបែកបត់ទៅផ្លូវជាតិលេខ ៣៣ ស្ថិតនៅក្នុង សង្កាត់កំពង់កណ្ដាល ក្រុងកំពត និងឃុំជុំគ្រៀល ស្រុកទឹកឈូខេត្តកំពតផងដែរ។
