សៀមរាប៖បាតុភូតធម្មជាតិបច្ចុប្បន្ននេះកាចសាហាវណាស់ជាក់ស្តែងមានភ្លៀងលាយឡំនិងផ្គររន្ទះបានបាញ់ផ្តាច់ជីវិតមនុស្សម្នាក់និងរបួស៣នាក់ទៀតកំពុងជួយសង្គ្រោះនៅមន្ទីរពេទ្យ។
ហេតុការណ៍នេះកើតឡើងនៅវេលាម៉ោង១៧និង០០នាទីថ្ងៃទី២០ខែកក្កដាឆ្នាំ២០១៦ ស្ថិតនៅភូមិ ត្រាវបាក់ ឃុំតាយ៉ែកស្រុកសូទ្រនិគម។
មន្ត្រីអាវុធហត្ថស្រុកសូទ្រនិគមបានឲ្យដឹងថា៖នៅក្នុងហេតុការណ៍គ្រោះធម្មជាតិនេះគឺមាន៖ងាប់គោ១ក្បាល,របួស៣ធ្ងន់នាក់ និងស្លាប់ម្នាក់។ឈ្មោះ តុញ បុិ ភេទ ស្រី ៧៣ឆ្នាំ ស្លាប់។ទី១ ឌី ដឿម ប្រុស ២៨ឆ្នាំ របួសធ្ងន់។ទី២សឿម ថៃ ភេទស្រី៦៥ឆ្នាំរបួសស្រាល
។ទី៣ លន លិន ភេទប្រុស២៣ឆ្នាំ របួសស្រាល។មន្ត្រីដដែលបន្តថា៖អ្នកស្លាប់ និងរបួសគឺជាពលរដ្ឋរស់នៅភូមិ ត្រាវបាក់ ឃុំតាយ៉ែក ស្រុកសូទ្រនិគម ខេត្តសៀមរាប។ នារដូវវស្សាំឆ្នាំនេះសូមបងប្អូនជនរួមជាតិទាំងអស់មេត្តាបង្កើនការប្រុងប្រយ័ត្នឲ្យបានខ្ពស់ចំពោះរឿងបាតុភូតធម្មជាតិដូចដែលក្រសួងពាក់ព័ន្ធបានណែនាំពីរបៀបការពារ៕
