ខេត្តសៀមរាប៖ សន្តិសុខ សុវត្ថិភាព គឺជាបញ្ហាចម្បង ដែលកងកម្លាំងប្រដាប់អាវុធគ្រប់ប្រភេទត្រូវយកចិត្តទុកដាក់ ក្នុងការ ការពារថែរក្សាជូនដល់ប្រជាពលរដ្ឋថ្នាក់ដឹកនាំ ក៏ដូចជាគណៈប្រតិភូជាតិនិង អន្តរជាតិឲ្យមានសន្តិសុខ សុវត្ថិភាពល្អប្រសើរ។
ជាក់ស្តែងនៅព្រឹកថ្ងៃទី២៣ ខែកក្ដដា ឆ្នាំ២០១៦នេះកងកម្លាំងនគរបាល នៃស្នងការដ្ឋាននគរបាលខេត្តសៀមរាប ក្រោមការបញ្ជារដឹកនាំពីសំណាក់លោកឧត្តមសេនីយ៍ទោ សត ណាឌី ស្នងការនគរបាលខេត្ត កងកម្លាំងនគរបាល សហការណ៍ជាមួយកម្លាំងអាវុធហត្ថខេត្ត បានចេញការពារនៅតាមដងផ្លូវ និងតាមបណ្តាលគោលដៅសំខាន់ៗនៅក្នុងខេត្ត ដើម្បីធានា ការពារនិងថែរក្សាបាននូវសន្តិសុខ សុវត្ថិភាព និងសណ្តាប់ធ្នាប់ឲ្យបានល្អប្រសើរ ជូនថ្នាក់ដឹកនាំរាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុនសែន ជាប្រមុខដឹកនាំ ក៍ដូចថ្នាក់ដឹកនាំសំខាន់ៗរបស់រាជរដ្ឋាភិបាលដែលបានអញ្ជើញមកបំពេញទស្សនកិច្ច និងចុះសាកសួរសុខទុក្ខមន្ត្រីរាជការ កងកម្លាំងប្រដាប់អាវុធ រួមទាំងប្រជាពលរដ្ឋ នៅក្នុងខេត្តនេះជាការយកចិត្តទុកដាក់ពីសំណាក់ថ្នាក់ដឹកនាំរាជរដ្ឋាភិបាលកម្ពុជាដែលតែងតែគិតគូរពីផលប្រយោជន៍ ប្រជាពលរដ្ឋជាធំផងដែរ៕ដោយ គឿនវេត
