ស្វាយរៀង៖ លោកជំទាវម៉ែនសំអនបានចុះសួរសុខទុកនិងផ្តល់អាហារមួយពេលល្ងាច ដល់កុមារកំព្រា ដែលកំពុងស្នាក់នៅ ក្នុងមណ្ឌលកុមារកំព្រារ ខេត្តស្វាយរៀង នៅរសៀលថ្ងៃទី២៥ខែកក្កដា ឆ្នាំ២០១៦នេះ។នៅក្នុងឱកាសនោះ លោកជំទាវ ម៉ែន សំអន បានធ្វើការផ្តាំផ្ញើរ សាកសួរសុខទុក្ខពីសំណាក់សម្ដេចតេជោហ៊ុនសែននិងសម្ដេចគតិព្រិទ្ធបណ្ឌិតប៊ុនរ៉ានីហ៊ុនសែនជានិច្ចជាកាលតែងតែនឹករលឹកដល់កុមារកំព្រា ដែលកំពុងស្នាក់នៅ ក្នុងមណ្ឌលកុមារកំព្រាទូទាំងប្រទេសក៏ដូចជាខេត្តស្វាយរៀងយើងនេះ។ លោកជំទាវ ម៉ែន សំអនបានធ្វើការជំរុញដល់កុមាកំព្រាទាំងអស់ត្រូវចេះថែរក្សារសុខភាព អនាម័យ ដោយហូបស្អាត ផឹកស្អាត និងរស់នៅស្អាត ដើម្បីជៀសផុតពីជំងឺផ្សេងៗ មិនតែប៉ុណ្ណោះ សូមខិតខំរៀនសូត្រ អោយបានក្លាយខ្លួន ទៅជាសិស្សពូកែ ជាទំពាំស្នងឫស្សីនៃប្រទេសជាតិ ឯលោកគ្រូអ្នកគ្រូ ដែលមើលថែរកុមារ សូមយកចិត្តទុកបន្ថែមទៀត ក្នុងការអប់រំកុមារកំព្រា គឺចាត់ទុកដូចជាកូនបង្កើត។ លោកជំទាវក៏បានឧបត្ថមថវិការដល់កុមារកំព្រា៥១នាក់ក្នុងម្នាក់២មឺុនរៀលនិងអ្នកចុងភៅមួយនាក់២មឺុនរៀលនិងលោកគ្រូអ្នកគ្រូ៧នាក់ទទួលបានថវិការ៥មឺុនរៀលផងដែរ។
