ខេត្តកំពង់ឆ្នាំង៖ សំរាមកាកសំណល់ផ្សេងៗនិងសំបកដបថ្នាំពេទ្យដែលគេដឹងថាដឹកចេញពីផ្សារពង្រ ឃុំពង្រ ស្រុករលាប្អៀរ ត្រូវបានគេយកទៅចាក់ចោល១ឡាននៅក្នុងបរិវេណសាលាដំណាក់ លោកតាត្រាំ និង១ឡា នទៀតគេចាក់ចោលនៅចិញ្ចើមថ្នល់ជាតិស្ថិតនៅក្នុងភូមិថ្មែវ ឃុំស្វាយជ្រុំ ស្រុករលាប្អៀរ កាលពីល្ងាចថ្ងៃទី២៦ ខែកក្កដា ឆ្នាំ២០១៦ ដែលករណីនេះធ្វើអោយប៉ះពាល់បិស្ថានរស់នៅ និងសុខភាពរបស់ប្រជាពលរដ្ឋនិងអ្នកមកលេងកំសាន្តនៅសាលាដំណាក់ខាងលើនេះ។ លោកគ្រូ ឃុយ ជាគ្រូបង្រៀននីសាលាបឋមសិក្សាថ្មកែវ មានទីលំនៅជិតសាលាដំណាក់លោកតាត្រាំ បាននិយាយអោយដឹងថា៖ សំរាមនៅចំណុចទាំង២ខាងលើនេះ គឺគេទើបតែចាក់ចោលថ្មីនីល្ងាចថ្ងៃទី២៦ ខែកក្កដានេះ ដែលសំរាម១ឡាននោះគឺចាក់នៅជិតអណ្តូងទឹក ក្នុងបរិវេណសាលាដំណាក់តែម្តង ដោយគេដឹងថាសំរាមទាំអស់នេះ គឺគេដឹងចេញពីផ្សារពង្រ។ ចំណែកសំរាមទាំងអស់នោះភាគច្រើន គឺជាកាសសំណល់ថ្នាំពេទ្យ មានសំបកដបថ្នាំ ម្ជុល សាងដែល សំរាមទាំងអស់នេះអាចចម្លងមេរោគមកសត្វឬមនុស្សបាន។ ប្រជាពលរដ្ឋដឹងថា កន្លែងដែលខេត្តនិងស្រុកទុកអោយចាក់សំរាមគឺមានកន្លែងត្រឹមត្រូវ ហេតុងីក៏គេយកកាកសំណល់ទាំងអស់នោះមកចាក់ចោល នៅកន្លែងដែលគេមកមកលេងកំសាន្ត និងឈប់សំរាកបែបនេះ។ ជាក់ស្តែងនៅព្រឹកថ្ងៃទី២៧ ខែ
កក្ដដា សំរាមនៅចិញ្ចើមផ្លូវជាតិត្រូវបានអេស្កាវ៉ាត់ទ័រ១គ្រឿងមកឈូលត្រឡប់ចោលហើយ តែមិនបានកើបយកទៅចោលនៅកន្លែងផ្សេងឡើយ។ ប៉ុន្តែនៅសំរាមនៅជិតអណ្តូវក្នុងបរិវេណសាលាដំណាក់គឺទុកនៅដដែល ប្រសិនបើភ្លៀងជោកជាំ កាកសំណល់នៃសំរាមនោះអាចនឹងហូរជ្រាបចូលទៅក្នុងទឹកអណ្តូងហើយអ្នកប្រើប្រាស់ទឹកអណ្តូងនេះពិតជាមានបញ្ហាមិនខានឡើយ។ ទាក់ទងនិងករណីនេះ ប្រជាពលរដ្ឋសំណូមពរដល់លោកមេឃុំពង្រ មេឃុំស្វាយជ្រុំ លោកអភបាលស្រុករលាប្អៀរ និងសមត្ថកិច្ចជួយចាត់វិធានការស្រាវជ្រាវ រកមុខអ្នកចាក់សំរាមខាងលើនេះ អោយមកទទួលខុសត្រូវ កើបយកសំរាមទាំងនេះដឹកយកទៅចោលកន្លែងសមស្របណាមួយវិញផង និដើម្បីជាការព្រមានកុំអ្នកផ្សេងៗទៀតយកកំរូតាម ៕ 
