ខេត្តកំពត៖ រថយន្តដឹកដីក្រឡាប់ផ្ងាជើងបង្អួតអ្នកភូមិរថយន្តដឹកដីមួយគ្រឿង បានក្រឡាប់ផ្ងាជើង បង្អួតអ្នកភូមិ ហេតុការណ៍នេះ បានកើតឡើង នៅវេលាម៉ោង៨និង២០នាទី នៅលើកំណត់ផ្លូវលំមួយកន្លែងជាប់ផ្លូវជាតិលេខ៣១ ស្ថិតភូមិ កណ្តាលទួល ឃុំ កំពង់ត្រាចខាងលិច ស្រុកកំពង់ត្រាច ខេត្តកំពត។សាក្សីនៅកន្លែងកើតហេតុបានអោយដឹងថា រថយន្តដែលក្រឡាប់ ពណ៍ស ពាក់ស្លាកលេខ ភ្នំពេញ ២C៩៩៥០ ដឹកដីចេញពីភ្នំថ្កូវ យកមកលក់អោយប្រជាពលរដ្ធនៅតាមភូមិ ពេលមកដល់កន្លែងចាក់ដីរថយន្តថយក្រោយជ្រុលក៏បណ្តាលអោយក្រឡាប់តែម្តង។ប្រជាពលរដ្ធនៅទីនោះ បានអោយដឹងថា រថយន្ត ដែលក្រឡាប់នេះ ជារបស់លោក ពៅ មេឈ្មូញ រកសុីដឹកដីភ្នំលក់នៅស្រុកកំពង់ត្រាច។សូមបញ្ជាក់ផងដែរថា ករណីគ្រោះថ្នាក់ចរាចរណ៍ មិនបណ្តាលអោយមានគ្រោះថ្នាក់ដល់អាយុជីវិតទេ។
