រតនគិរី ៖ រថយន្តសាំយ៉ុង បានបុកកង់បណ្តាល ឲ្យយុវសិស្សម្នាក់របួសធ្ងន់ ខណៈចេញពីសាលារៀនបំណងទៅផ្ទះ នៅវេលាម៉ោង០៩និង៣០នាទីព្រឹកថ្ងៃទី២៨ ខែកក្កដាឆ្នាំ២០១៦នេះ នៅត្រង់ចំណុចផ្លូវបែកជា៤ មុខវិទ្យាល័យសម្តេចឱ-សម្តេចម៉ែ កណ្តាលក្រុងបានលុង ហើយភ្លាមៗនោះដែរ នគរបាលចរាចរណ៍ជួយអន្តរាគមន៍ បញ្ជូនយុវសិស្សរងគ្រោះទៅសង្គ្រោះ បន្ទាន់នៅមន្ទីរពេទ្យបង្អែកខេត្តរតនគិរី។ពួកគាត់បានឃើញរថយន្តនេះ បើកក្នុងល្បឿនលឿនលើផ្លូវជាតិលេខ៧៨ ក្នុងទិសដៅពីលិចទៅកើត ខណៈនោះយុវសិស្សជិះកង់ចេញពីសាលារៀន មកដល់ចំណុចខាងលើត្រូវរថយន្ត បុកពេញទំហឹងតែម្តង។
យុវសិស្សរងគ្រោះនេះមានឈ្មោះរ៉ាញ់ រួន អាយុ ២០ឆ្នាំ រៀនថ្នាក់ទី១០ មានទីលំនៅភូមិទេសអន្លុង សង្កាត់បឹងកន្សែង ក្រុងបានលុង ខេត្តរតនគិរី (របួសធ្ងន់)។
រថយន្តសាំយ៉ុង ពាក់ស្លាកលេខភ្នំពេញ២v.៩៥២៩ ពណ៌ស បន្ទាប់ពីកើតហេតុអ្នកបើកបរ រថយន្តបានរត់គេចខ្លួនបាត់ស្រមោល។បច្ចុប្បន្នវត្ថុតាងត្រូវបាននគរបាល ចរាចរណ៍ជើងគោកនៃស្នងការដ្ឋាននាំយកទៅរក្សាទុក ដើម្បីស្វែងរកម្ចាស់រថយន្តមកដោះស្រាយទៅតាមផ្លូវច្បាប់៕ដោយ៖ យក្ខឡោម
