ឧត្តរមានជ័យ៖យ៉ាងហោចណាស់មនុស្សប្រុសស្រីចំនួន៥នាក់បានរងរបួសធ្ងន់និងស្រាល ខណះបើកបរយន្តកន្ត្រៃដឹកគ្នាចុះពីលើភ្នំបានរអិលនិងរេចង្កូតធ្លាក់ប្រឡាយ កាលពីវេលាម៉ោង១២ថ្ងៃត្រង់ថ្ងៃទី៣០ខែកក្កដា ឆ្នាំ២០១៦ ស្ថិតនៅភូមិជប់គគីខាងកើត ឃុំអំពិល ស្រុកបន្ទាយអំពិល ខេត្តឧត្តរមានជ័យ ។
សមត្ថកិច្ចនិយាយថា ក្នុងហេតុការណ៍ខាងលើនេះ មានមនុស្សចំនួន៥នាក់ក្នុងនោះចំនួន២នាក់បានរងរបូសធ្ងន់ ១ ឈ្មោះ ទន់ ម៉ៅ ប្រុសអាយុ៥១ឆ្នាំ ។២ឈ្មោះលឿន អៀត ប្រុសអាយុ៦៥ឆ្នាំរស់នៅភូមិជាមួយខាងលើ ។៣ឈ្មោះផេង អាត ភេទស្រី អាយុ៥៧ឆ្នាំ( រងបួសធ្ងន់)។៤ឈ្មោះជៀប សំណាង ប្រុសអាយុ៥៥ឆ្នាំ(រងរបួសស្រាល) ។៥ឈ្មោះទាន់ ម៉ៅប្រុសអាយុ៤៣ឆ្នាំ(រងរបួសស្រាល)អ្នកទាំង៥នាក់ខងលើរស់នៅភូមិការណាំង ឃុំណាំតៅ ស្រុកភ្នំស្រុក ខេត្តបន្ទាយមានជ័យ ។
