ខេត្តកំពត៖ ស្រុកកំពង់ត្រាច នាព្រឹកថ្ងៃទី៣០ ខែកក្កដា ឆ្នាំ២០១៦ ក្រុមការងារមូលនិធិមិត្តកំពង់ត្រាច ដែលដឹកនាំដោយលោក អ៊ឹម ច័ន្ទសោធន រួមជាមួយលោក ជួន សុភា អភិបាលរងនៃគណ:អភិបាលស្រុកកំពង់ត្រាច និងលោក ទិន សម្បត្តិ សមាជិកក្រុមប្រឹក្សាស្រុក ព្រមទាំង
អាជ្ញាធរភូមិ ឃុំ បានចុះសួរសុខទុក្ខនិងនាំយកអំណោយមួយចំនួនជូនគ្រួសារ លោកតា ទួន រុន អាយុ ៨៤ឆ្នាំ និង លោកយាយ សុខ ភាន អាយុ ៦៨ឆ្នាំ ជាគ្រួសារក្រីក្រប្រភេទពីរ ចាស់ជរាមានជំងឺ និងមានចៅប្រុសម្នាក់ក្នុងបន្ទុក រស់នៅ ភូមិអូរច្រនៀង ឃុំកំពង់ត្រាចខាងលិច ស្រុកកំពង់ត្រាច ខេត្តកំពត ។ អំណោយរួមមាន៖១ អង្ករមួយបាវ៥០គីឡូ ត្រីប្រៃសាំប៉ាន់១គីឡូ ជាអំណោយរបស់មូលនិធិមិត្តកំពង់ត្រាច ។
២ ថវិកាចំនួន ៥ម៉ឺនរៀល ជាអំណោយរបស់អង្គការបណ្តុះបណ្តាលវិជ្ជាជីវៈនិងអភិវឌ្ឍន៍សង្គម ៣ ថវិកា៦ម៉ឺនរៀល ជាអំណោយរបស់អជ្ញាធរស្រុក និងឃុំកំពង់ត្រាចខាងលិច សូមជូនពរសមាជិកសកម្មមូលនិធិមិត្តកំពង់ត្រាច សប្បុរសជនទាំងអស់ អោយទទួលបាននូវសុខភាពល្អនិងជោគជ័យគ្រប់ភារកិច្ច ៕ 
