បាត់ដំបងៈ ជនសង្ស័យចំនួនពីរនាក់ ត្រូវបានកំលាំងកងរាជអាវុធហត្ថស្រុករតនមណ្ឌល
ធ្វើការឃាត់ខ្លួន ព្រមទាំងបានដកហូតនូវគ្រឿងញៀនប្រភេទម៉ាទឹកកកមួយចំនួនផងដែរ
ខណៈដែលមុខសញ្ញាទាំងពីរនកា់នេះបានធ្វើសកម្មភាពចែកចាយទីតាំងផ្សេងៗគ្នា
ហើយកំលាំងក៏បានតាមប្រមាញ់និងឃាត់ខ្លួនបានជាបន្តបន្ទាប់ ។កិច្ចប្រតិបត្តិការនេះដែរគឺបានប្រព្រឹត្តឡើងកាលពីម៉ោង៥ និង ១៥ នាទីល្ងាច ថ្ងៃទី ១ខែសីហា ឆ្នាំ២០១៦ ត្រង់ចំណុចភូមិ ជាមន្ត្រី ឃុំ ត្រែង ស្រុក រតនមណ្ឌល ខេត្ត បាត់ដំបង បន្ទាប់ពីកំលាំងបានទទួលនូវសេចក្តីរាយការណ៍មួយ ពាក់ព័ន្ធនឹងករណីចែកចាយគ្រឿងញៀនជាក់ស្តែង ។ក្នុងកិច្ចប្រតិបត្តិការនោះគឺសមត្ថកិច្ចបានធ្វើការឃាត់ខ្លួនឈ្មោះ រ៉េត បូរិទ្ឋ ភេទប្រុស អាយុ ២១ ឆ្នាំ មុខរបរ កម្មករ ទីលំនៅភូមិ ភ្ជាវ ឃុំ ត្រែង ស្រុក រតនមណ្ឌល ខេត្តបាត់ដំបង ដោយឆែករកឃើញគ្រឿងញៀនប្រភេទម៉ាទឹកកកចំនួនមួយកញ្ចប់ដែលជនសង្ស័យ
បានលក់ទុកនៅក្នុងខោលីអូរ ដោយថ្នាំញៀននេះមានទម្ងន់ ១,៧៧ ក្រាម ។បន្ទាប់ពីបានធ្វើការសាកសួររួចមក សមត្ថកិច្ចបានបន្តឈានដល់ការឃាត់ខ្លួន ជនសង្ស័យ
បានម្នាក់ទៀត ដែលជននោះមានឈ្មោះ ឈឹម កុសល ភេទប្រុស អាយុ ២២ ឆ្នាំ មុខរបរ គ្មាន ដែលការឃាត់ខ្លួននេះបានធ្វើឡើងនៅចំណុចភូមិ ភ្ជាវ ឃុំត្រែង ស្រុក រតនមណ្ឌលខេត្តបាត់ដំបង ដែលជាបក្ខពួកតែមួយព្រមទាំងបាន រកឃើញគ្រឿងញៀនប្រភេទម៉ាទឹកកក ចំនួន ១៨ កញ្ចប់ មានទម្ងន់ ៥,៦៤ ក្រាម ទូរស័ព្ទ ០៤ គ្រឿង។ជារួមនៅក្នុងកិច្ចប្រតិបត្តិការនេះដែរគឺកំលាំងបានឃាត់ខ្លួនមនុស្សបានចំនួនពីរនាក់ រួមទាំង វត្ថុតាងគឺគ្រឿងញៀនម៉ាទឹកកក ១៩ កញ្ចប់ មានទម្ងន់សរុប ៧,៤១ ក្រាម
-ទូរស័ព្ទដៃ ០៤ គ្រឿង -ម៉ូតូ ០១ គ្រឿងម៉ាក MSX ពណ៍ ស គ្មានផ្លាកលេខ ស៊េរីឆ្នាំ ២០១៤ ដោយបច្ចុប្បន្ន ជនសង្ស័យ និង វត្ថុតាង កំពុងឃាត់ខ្លួននៅការិយាល័យជំនាញ ដើម្បីបញ្ជូនទៅកាន់សាលាដំបូងខេត្ត ចាត់ការតាមនិតិវិធីច្បាប់ ៕ សោ និយមរ័ត្ន-សូមគោរពសុំអនុញ្ញាតឱ្យជំនាញកសាងសំណុំរឿងបញ្ជូនទៅតុលាការ។
សូមឯកឧត្តមមេត្តាទទួលនូវការគោរពដ៏ខ្ពង់ខ្ពស់បំផុតអំពីខ្ញុំបាទ។
