ស៊ីរី៖ អង្គការហាមឃាត់អាវុធគីមី បានរាយការណ៍ឲ្យដឹងថា មន្ត្រីអធិការកិច្ចរបស់ខ្លួនចំនួន ១១នាក់ (A team of 11 chemical weapons inspectors ) ត្រូវបានវាយប្រហារ ដោយខ្មាន់កាំភ្លើង នៅក្នុងខេត្ត Hama ប្រទេសស៊ីរី ខណៈដែលពួកគេកំពុង ធ្វើទស្សនកិច្ចទៅកាន់ទីនោះ ប៉ុន្តែពួកគេមានសុវត្ថិភាពទេ នេះបើតាមការផ្សាយពីព័ត៌មាន វេបសាយបរទេសដេលីមែលឲ្យដឹងនៅល្ងាចថ្ងៃទី២៧ ខែឧសភា នេះ។
បើតាមរបាយការណ៍ដំបូងពីរដ្ឋាភិបាលស៊ីរីបានឲ្យដឹងថា មនុស្សចំនួន១១នាក់(ក្នុងនោះមានមន្ត្រីអធិការកិច្ចចំនួន៦នាក់ និងអ្នកបើកបរ៥នាក់)បានទទួលរងការបាញ់ប្រហារពីខ្មាន់កាំភ្លើង នៅក្នុងខេត្ត Hama កណ្តាលប្រទេសស៊ីរី។ ប៉ុន្តែ អង្គការហាមឃាត់អាវុធគីមី បានបញ្ជាក់ថា ពួកគេមានសុវត្ថិភាពទេ ហើយក៏បានត្រឡប់មកកាន់មូលដ្ឋានរបស់ខ្លួនវិញហើយដែរ៕
