ប្លែកៗ៖ មនុស្សរាប់ពាន់នាក់បានជួបជុំគ្នាដើម្បីធ្វើការប្រកួតរត់កាត់ភក់ជ្រៅចម្ងាយ៤០០ម៉ែត្រ នៅអំឡុងវិស្សមកាលចុងសប្តាហ៍ នៅក្នុងព្រឹត្តិការណ៍ប្រកួតរត់កាត់ភក់ម៉ាល់ដុន ចក្រភពអង់គ្លេស នៅថ្ងៃអាទិត្យ កន្លងទៅនេះ។ ការប្រកួតរត់កាត់ភក់នៅម៉ាល់ដុន ជាព្រឹត្តិការណ៍ប្រកួតរត់កាត់ភក់ដ៏ល្បីល្បាញមួយនៅ លើពិភពលោក( The World Famous Maldon Mud Race.) ដែលព្រឹត្តិការណ៍នេះត្រូវបានរៀបចំ តាំងពីឆ្នាំ១៩៧៥មកម្ល៉េះ ហើយនៅឆ្នាំនេះ ការប្រកួតនេះបាន
ប្រព្រឹត្តទៅនៅឧទ្យាន Promenade Park, Maldon.នាវេលាម៉ោង៣កន្លះ ថ្ងៃអាទិត្យ ទី២៥ ខែឧសភា ឆ្នាំ២០១៤។ ក្រោមក្រសែភ្នែកអ្នកទស្សនាដ៏ច្រើនកុះករ មនុស្សមកពីគ្រប់ទិសទី ចំនួនជាង៣០០នាក់ ស្ម័គ្រចិត្តធ្វើជាបេក្ខជនរត់កាត់ភក់ ចម្ងាយ៤០០ម៉ែត្រ ក្នុងភក់ខាប់ នៅច្រាំងទន្លេ Blackwater ក្នុងតំបន់ Essex ។
ព្រឹត្តិការណ៍នេះបង្កជាពិធីប្រកួតជាទៀងទាត់មួយ និងសប្បាយរីករាយ ក្រៃលែងទាំងអ្នកចូលរួមប្រកួត និងមហាជន។ ការរត់កាត់ភក់ជ្រៅៗ ជួនកាលបណ្តាលឲ្យ បេក្ខជនរបូតខោអាវ អស់ក៏មាន។ សូមមើលរូបភាពទាំងនេះ៕ 
